Jis tun varriih Suomân | Anarâškielâ | KelaMoonâ siskáldâsân

Jis tun varriih Suomân

Torjuid iävtuh láá ereslágán tađe mield, ete varriih-uv Suomân

  • pargen tâi irâtteijen
  • vuolgâttum pargen
  • perruujesânin
  • uáppen.

Pargen tâi irâtteijen Suomân

Tun puávtáh finniđ Kela torjuid, jis tun poorgah Suomâst.

Talle tun jieh taarbâš aassâđ Suomâst pisovávt. Tust lii vuoigâdvuotâ Kela torjuid toin mánuppoojijn, ko tun ánsášah ucemustáá suulân 800 eurod mánuppaajeest. Jis tun poorgah Suomâst ucemustáá 6 mánuppaje, te tust lii vuoigâdvuotâ finniđ maidnii Kela torjuid 3 mánuppaje ääigi porgâm nuuhâm maŋa.

Jis tust lii Suomâst päikkikieldâ, te tun finniih tipšo almos tiervâsvuotâtipšoost. Tun finniih tipšo táválávt jieijâd kieldâ tiervâsvuođâkuávdáást. Jis tun puáđáh Suomân paargon já tust ij lah päikkikieldâ, te pivde Kela selvâttiđ, ete lii-uv tust vuoigâdvuotâ almos tiervâsvuotâhuolâttâsân.

Koijâd lase palvâlemnumerist 020 634 0200.

Sosiaaltorvosopâmušstaatâin värrejeijee pargeeh

Suomâ lii toohâm sosiaaltoorvon kyeskee sopâmušâid motomij statâiguin.

Keejâ staatâid.

Jis tun puáđáh tain staatâin, te täärhist Kelast, ete maht sopâmušah vaigutteh tuu sosiaaltoorvon.

Vuolgâttum pargeeh

Vuolgâttum pargeeh láá ulmuuh, kiäid olgoeennâmlâš pargoadeleijee lii vuolgâttâm paargon Suomân.

Tun varriih Suomân EU-staatâst, Eta-staatâst, Sveitsist tâi Stuorrâ-Britanniast

Jis tun puáđáh vuolgâttum pargen tain staatâin, te tun kuulah tuu vuolgâstaatâ sosiaaltoorvon. Tun finniih Suomâst aakuut puácuvuođâ vaattâm tipšo siämmái hoddijn ko eres Suomâst ässee ulmuuh, jis tust lii eurooplâš pyecceetipšokorttâ. Tun finniih koortâ tuu vuolgâstaatâst. Tuu vuolgâstaatâ  virgeomâhâš addel tunjin A1-tuođâštus tast, ete tuu pargoadeleijee lii vuolgâttâm tuu Suomân paargon.

Tun varriih Suomân staatâst, moin Suomâst lii sosiaaltorvosopâmuš

Jis tun puáđáh vuolgâttum pargen staatâst, moin Suomâst lii sosiaaltorvosopâmuš, te tun finniih sopâmušâst mainâšum torjuid vuolgâstaatâst. Tun puávtáh finniđ eres ko sosiaaltorvosopâmušâst mainâšum torjuid Suomâst, jis tun lah varrim teehi pisovávt tâi jis tuu pälkki lii ucemustáá 800 eurod mánuppaajeest.

Tun varriih Suomân eres kuávlust

Jis tun puáđáh Suomân vuolgâttum pargen eres ko EU-staatâst, Eta-staatâst, Sveitsist, Stuorrâ-Britanniast tâi sosiaaltorvosopâmušstaatâst, te tunjin kyeskih siämmááh njuolgâdusah ko eres Suomân varrim pargeid. Tust lii vuoigâdvuotâ Kela torjuid, jis tun varriih Suomân pisovávt teikâ jis tuu pälkki lii ucemustáá suulân 800 eurod mánuppaajeest.

Luuvâ lase

Sijđo lii peividum 9.2.2024