Mon rääjist puávtáh uážžuđ Kela torjuid? | Anarâškielâ | KelaMoonâ siskáldâsân

Mon rääjist tun puávtáh finniđ Kela torjuid?

Kela torjuid puáhtá táválávt finniđ ton peeivi rääjist, ko tun varriih Suomân.

Motomeh torjuuh máksojeh kuittâg tuše toid, kiäh láá aassâm Suomâst tiätuääigi ovdil torjuu mieđettem. Taah torjuuh láá ovdâmerkkân

  • pargottesvuotâtorvo vuáđupeiviruttâ
  • Kela iäláttuvah
  • paijeel 16-ihásii vádulijtoorjâ.

Motomijd torjuid mieđeetdijn Kela váldá huámmášumán pajeh, kuás tun lah lamaš puácuvuođâtáhádâsâst nube EU-staatâst, Eta-staatâst, Sveitsist tâi Stuorrâ-Britanniast.

Koijâd lase palvâlemnumerist 020 634 0200.

Ovdâmerkkâ: Suomân paargon

Ovtâstumstaatâlâš Rachel parga Suomâst syemmilii irâttâsâst. Sun ááigui algâaalgâst aassâđ Suomâst vuálá 6 mánuppaje, te sust ij lah vuoigâdvuotâ Kela torjuid Suomâst aassâm vuáđuld.

Porgâm vuáđuld Rachelist lii kuittâg tállân pargo algâttem maŋa vuoigâdvuotâ finniđ maidnii Kela torjuid, jis toi iävtuh olášuveh. Tágáreh torjuuh láá ovdâmerkkân pyecceitipšo sajanmáávsuh já puoccâmpeiviruttâ.

Maŋeláá fastâdeh Rachel pargokoskâvuođâ. Koskâpuddâsâš orroom Suomâst muttoo pisovâš asâmân. Ton maŋa Rachelist lii vuoigâdvuotâ finniđ meid taid torjuid, moh máksojeh tuš Suomâst ässeid. Tágáreh torjuuh láá ovdâmerkkân aassâmtoorjâ já enijtoorjâ.

Sijđo lii peividum 9.2.2024

Mon mielâst tun lah sijđoost?