Eres ko pargeeh | Anarâškielâ | KelaMoonâ siskáldâsân

Eres ko pargeeh

Perruujesâneh

Jis tun varriih Suomân pargee tâi uáppee perruujesânin, te tun koolgah táválávt aassâđ Suomâst pisovávt, vâi tun puávtáh finniđ Kela torjuid.

Jis tuu perruujeessân värree Suomân EU-staatâst, Eta-staatâst, Sveitsist tâi Stuorrâ-Britanniast, tun puávtáh finniđ pyecceetipšo, pärnilase já párnái päikkitipšo torjuu. Puávtáh finniđ taid talle-uv, jis tun jieh jieš aasâ Suomâst tâi jis aasah tääbbin tuše koskâpuddâsávt.

Motomij statâiguin tohhum sosiaaltorvosopâmušah pyehtih vaiguttiđ meid perruujesânij sosiaaltoorvon.

Vuolgâttum pargei perruujesâneh pisoh táválávt vuolgâstaatâ sosiaaltorvoost.

Uáppeeh

Jis tun varriih Suomân eres ko EU-staatâst tuše uápui tiet, te tun puávtáh finniđ Kela torjuid tuše talle, jis tuu uápui vuávájum kukkodâh lii ucemustáá 2 ive. Tun jieh pyevti kuittâg finniđ puoh Kela torjuid, tego ovdâmerkkân aassâmtorjuu já enijtorjuu.

EU-staatâin puáttee uáppeeh iä táválávt finnii Kela torjuid. Tust puáhtá leđe vuoigâdvuotâ Kela torjuid, jis tun poorgah Suomâst uápui lasseen. Tun jieh kuittâg táválávt pyevti finniđ uápputorjuu Suomâst.

Jis tun varriih Suomân uápui tiet, te täärhist Kelast, puávtáh-uv tun finniđ uápputorjuu.

Sijđo lii peividum 9.2.2024

Mon mielâst tun lah sijđoost?