Koʹrvvõõzz maaʹtǩin

Kela koʹrvvad õõlmâs leʹbe privatt tiõrvâsvuõtthuõllu jottum määʹtǩ mäʹtǩǩ-koolaid, jõs mõõnak hoiddu puõʒʒâlm, vueʹrddempââʹj leʹbe šõddeem diõtt. Säursmâʹttem diõtt jottum maaʹtǩid Kela koʹrvvad, jõs säursmâʹttem vuâđđan lij Kela leʹbe õõlmâs tiõrvâsvuõtthuâl uʹvddem säursmâʹttemtuʹmmstõk. Maaʹtǩid koʹrvveet takainalla ââldmõs håiddpäikka da hääʹlbmõs jååʹttemnääʹl mieʹldd.

Jõs saʹtti leʹbe piârneǩ âlgg leeʹd mieʹldd, vuäitak ooccâd koʹrvvõõzz še sij mäʹtǩǩ-koolain.

Kela ij koʹrvved jeäʹrab talkksi viǯǯâm-määʹtǩ apteekka.

Koʹrvvõs instummšest

Jõs jooudak ouddmiârkkân hueʹnes jååʹttemõhttvuõđi diõtt insted håidd- leʹbe säursmâʹttempäiʹǩǩ-kååʹddest, vuäitak vuäǯǯad instemtieʹǧǧ. Tõt lij jäänmõsân 20,18 euʹrred suutkâst.

Maaʹtǩi jiõččvasttõs

Jiõččvasttõs lij 25 euʹrred määʹtǩest õõutårra. Jõs tuu mäʹtǩǩ mähss pâʹjjel 25 euʹrred, Kela koʹrvvad tuʹnne suum, kååʹtt mâânn pâʹjjel 25 eeuʹr.

Ooʒʒ koʹrvvõõzz kuuitâǥ še vuâlla 25 euʹrred mähssam maaʹtǩin. Kela laʹsǩǩad tõid mieʹldd eeʹǩǩjiõččvasttõʹsse. Eeʹǩǩjiõččvasttõõzzin juuʹrdet, što jõs määusak kaʹlndareeʹjj ääiʹj mäʹtǩǩ-koolaid jiõčč õhttsiʹžže 300 euʹrred, Kela koʹrvvad loppeeʹjj ääiʹj puk mäʹtǩǩ-koolaid.

Takssmääʹtǩ

Jõs tiõrvâsvuõttad leʹbe vääʹnes jååʹttemõhttvuõđ õõlǥte taaks âânnmõõžž, vuäitak vuäǯǯad maaʹtǩin koʹrvvõõzz. Jõs âânak taaks tiõrvâsvuõđad diõtt, tuʹst feʹrttai leeʹd håiddstroiʹttel uʹvddem tuõđštõs, koon nõmm lij Tuõđštõs mäʹtǩǩ-koʹrvvõõzz vääras (lääddas Todistus matkakorvausta varten SV 67).

Tiʹlle taaks jiijjad mäddkååʹdd tiʹllʼjemnââmrest. Nääiʹt vuäǯǯak mäʹtǩǩ-koʹrvvõõzz tâʹlles taaksâst. Jõs tiʹllʼjak taaks jeeʹresåʹrnn, Kela ij koʹrvved tuu määʹtǩ.

Looǥǥ lââʹzz takssmaaʹtǩin (lääddas).

Sääʹmǩiõllsai põõšši taaks âânnmõš

Kela tuʹmmstõõǥǥ mieʹldd sääʹmvuuʹdest jälsteei säʹmmlaid miõđât põõšši taaks âânnmõõžž Kela koʹrvveem takssmaaʹtǩid. Põõšši taaks ââʹnnem vuâđđan lij sääʹm ǩiõll-lääʹǩǩ, ij-ǥa sääʹmǩiõllsaž äʹššneǩ taarbâž tõn diõtt jeäʹrab ooccâd vuõiggâdvuõđ põõšši taʹksse Kelast. Sääʹmǩiõllsaž äʹššneǩ vuäitt tiʹllʼjed Kela-säättaid vuõiʹǧǧest sääʹmǩiõllsaž jååʹđteeʹjest.

Sääʹmǩiõllsai põõšši taaks âânnmõš.

Taaksi tiʹllʼjemnââmar lie neeʹttest addrõõzzâst (lääddas).

Takssmaaʹtǩi jiõččvasttõs lij 25 euʹrred määʹtǩest õõutårra. Jõs tuu mäʹtǩǩ mähss pâʹjjel 25 euʹrred, Kela koʹrvvad tuʹnne suum, kååʹtt mâânn pâʹjjel 25 eeuʹr. Vuâlla 25 eeuʹr maaʹtǩid še laʹsǩǩeet mieʹldd eeʹǩǩjiõččvasttõʹsse.

Vuäitak ǩiõččâd tuʹnne eeʹjj ääiʹj nårrjam mäʹtǩǩ-koolaid neeʹttest.

Looǥǥ lââʹzz