Koʹrvvõõzz privatt puõccihååidast da pääʹnnhååidast | Nuõrttsääʹmǩiõll | KelaSirddu siiskõʹsse

Koʹrvvõõzz privatt puõccihååidast da pääʹnnhååidast

Koʹrvvõõzz privatt puõccihååidast

Kela mähss koʹrvvõõzz, ǥu jeälak puõʒʒâlm diõtt privatt dåhttrest. Kela mähss koʹrvvõõzz še tuʹtǩǩummšin da hååidain, koid lie mieʹrrääm psykiatria spesiaaldåhttar, njäʹlmm- da käiʹbbkirurgia spesiaaldåhttar leʹbe pääʹnndåhttar. Vuäǯǯak koʹrvvõõzz še psykoloog raajjâm tuʹtǩǩummšin.

Kela ij määuʹs koʹrvvõõzz, jõs ooʒʒak privatt dåhttrest dåhttartuõđštõõzz ouddmiârkkân vuejjamkoort, jeältõõǥǥ leʹbe mättstroiʹttla ooccâm diõtt.

Kõõjj lââʹzz kääzzkâʹsttemnââmrest 020 692 204.

Koʹrvvõõzz privatt pääʹnnhååidast

Kela mähss koʹrvvõõzz še njääʹlm da paaʹni hååidast privatt pääʹnndåhttrest.

Vuäitak vuäǯǯad koʹrvvõõzz privatt pääʹnndåhttar tuejjeem njääʹlm da paaʹni tuʹtǩǩummšest juõʹǩǩ nuuʹbb kaʹlndareeʹjj. Jõs tuu pääʹnndåhttar siâzztââll taʹrǩstummuž õʹhttešt eeʹjjest, vuäitak vuäǯǯad koʹrvvõõzz õʹhttešt kaʹlndareeʹjjest.

Kela mähss koʹrvvõõzz še rõntgen- da laboratoriotuʹtǩǩummšin, koid privatt pääʹnndåhttar mieʹrrad.

Kela mähss koʹrvvõõzz njäʹlmmhygieniist uʹvddem hååidast, jõs tõt vuâđđââvv privatt pääʹnndåhttar meärrõʹsse.

Kela ij takainalla koʹrvved pääʹnnproteeʹsid õhttneei koolaid.

Looǥǥ lââʹzz pääʹnnhååid koʹrvvõõzzi ooccmest (lääddas).

Kõõjj lââʹzz kääzzkâʹsttemnââmrest 020 692 204.

Vuäitak vuäǯǯad koʹrvvõõzz tâʹlles

Vuäǯǯak koʹrvvõõzz täujja juʹn vuâsttaväʹlddmest, ko čuäʹjtak Kela-koortad. Vuäitak ooccâd koʹrvvõõzz Kelast še mââiǩiõʹtte.

Kela mähss tuʹtǩǩummšin da hååidain koʹrvvõõzz jäänmõsân Kela meäʹrtem tariiff leʹbe jäänmõshââʹdd mieʹldd. Kela ij koʹrvved koontârkoolaid.

Vuäitak täʹrǩsted taksaid neeʹttest (lääddas).

Hoiddu ålggjânnmin

Jõs mõõnak hoiddu nuuʹbb EU- leʹbe Eta-jânnma, Sveiʹccjânnma, Jõnn-Britanniaaʹje leʹbe Tâʹvv-Irlaʹntte, vuäitak raukkâd Kelast õuddlååʹv hååid vääras leʹbe mõõnnâd hoiddu jiõččtooiʹmlanji õuddlååʹvtaa. Jõs määusak hååid jiõčč, vuäitak ooccâd koolain koʹrvvõõzz Kelast.

Looǥǥ lââʹzz tiõrvâsvuõttkääzzkõõzzi ââʹnnem pirr ålggjânnmin (lääddas).

Mâiʹd dåhttarjeällmõõžžâst koʹrvveet?

Kela koʹrvvad privatt dåhttar määusast 30 euʹrred. Psykiaatr määusast Kela koʹrvvad 30–40 euʹrred. Summ lij ǩidd vuâsttaväʹlddemääiʹj peeštast.

Jõs jeälak privatt spesiaaldåhttrest da jeällmõš mähss 100 euʹrred, Kela koʹrvvad 30 euʹrred. Määusak jiõčč loopp 70 euʹrred.

Jõs jeälak privat psykiaatrâst da 20 minuutt jeällmõš mähss 150 euʹrred, Kela koʹrvvad 33 euʹrred. 10 Määusak jiõčč loopp 117 euʹrred.

Seidd peeiʹvtum 16.2.2024

Mõõnn miõl leäk seeidast?