Kela torjuuh pärniperrui

Kela torjuu vievâst vaanhimeh sättih leđe parnijn tehálij vuossâmui mánuppoojij ääigi. Maŋeláá Kela tuárju päärni tipšo já päärnist šaddee koloid.

Kii puáhtá uážžuđ pärniperruu torjuid?

Tun puávtáh uážžuđ Kela pärniperruu torjuid, ko kuulah Suomâ sosiaaltoorvon já aasah fastâ Suomâst. Motomin torjuid pyehtih uážžuđ meid eres ulmuuh, jis sij pargeh Suomâst.

Jis tun lah aassâm olgoenâmijn teikâ lah varriimin olgoenâmáid, te täärhist Kelast, ete puávtáh-uv uážžuđ Kela torjuid. Varrim Suomân tâi Suomâst meddâl puáhtá vaiguttiđ Kela mäksim torjuid.

Koijâd lase pärniperrui torjuin palvâlemnumerist 020 692 206.

Maid torjuid pärnipeerâ puáhtá uážžuđ?

Kela torjuuh pärniperruid láá

  • enijtoorjâ
  • vaanhimijpeiviruuđah
    • enijruttâ
    • sierânâsenijruttâ
    • ejijruttâ
    • vaanhimijruttâ
  • pärnilase
  • pärnitipšo torjuuh
    • päikkitipšotoorjâ
    • njyebžilis tipšoruttâ
    • priivaat tipšo toorjâ
    • uásitipšoruttâ
  • pyeccee já vádulii päärni torjuuh
  • elettemtoorjâ.

Vaanhimijpeiviruuđah uđâsmuveh

Vaanhimijpeiviruuđáid kyeskee laahâ muttoo čohčuv 2022. Siämmást muttojeh Kela torjui noomah. Jis tuu päärni rekinistum äigi lii 4.9.2022 tâi ton maŋa, te vaanhimijpeiviruuđah láá

  • čuávjumruttâ
  • sierânâsčuávjumruttâ
  • vaanhimijruttâ.

Taah uđđâ torjuuh sajanpiejih enijruuđâ, sierânâsenijruuđâ, ejijruuđâ já puáris laavâ miäldásii vaanhimijruuđâ. Kela máksá puáris laavâ miäldásijd torjuid tuše toid vaanhimáid, kiäi päärni rekinistum äigi lii ovdil 4.9.2022.

Pärnipeerâ puáhtá uážžuđ meid eres Kela torjuid

Täärhist meid, ete puávtáh-uv tun uážžuđ maidnii eres Kela mäksim torjuid. Eres perrui lohtâseijee Kela torjuuh láá ovdâmerkkân

  • aassâm torjuuh
  • puáccáámân lohtâseijee sajanmáávsuh
  • uáppee já viärjukenigâs torjuuh
  • pargottesvuotâtorvo.

Luuvâ lase