Kela torjuuh pärniperrui | Anarâškielâ | KelaMoonâ siskáldâsân

Kela torjuuh pärniperrui

Kela torjuu vievâst vaanhimeh pyehtiv leđe parnijn tehálij vuossâmui mánuppoojij ääigi. Maŋeláá Kela tuárju päärni tipšo já päärnist šaddee koloid.

Kii puáhtá finniđ pärniperruu torjuid?

Tun puávtáh finniđ Kelast pärniperruu torjuid, ko tun aasah Suomâst pisovávt. Jis tun aasah Suomâst tuš váhá ääigi, te tun jieh táválávt pyevti finniđ Kela torjuid. Motomin torjuid pyehtih finniđ meid ulmuuh, kiäh ääsih eres saajeest mutâ pargeh Suomâst.

Jis tun lah aassâm olgoenâmijn teikâ lah varriimin olgoenâmáid, te täärhist Kelast, ete puávtáh-uv tun finniđ Kela torjuid. Varrim Suomâst meddâl tâi uánihub orroom olgoenâmijn puáhtá vaiguttiđ Kela mäksim torjuid.

Koijâd lase pärniperrui torjuin palvâlemnumerist 020 692 206.

Maid torjuid pärnipeerâ puáhtá finniđ?

Kela torjuuh pärniperruid láá

  • enijtoorjâ
  • vaanhimijpeiviruuđah
    • čuávjumruttâ
    • sierânâsčuávjumruttâ
    • vaanhimijruttâ
    • ejijruttâ, jis päärni rekinistum äigi lâi ovdil 4.9.2022
  • pärnilase
  • pärnitipšo torjuuh
    • päikkitipšotoorjâ
    • njyebžilis tipšoruttâ
    • priivaat tipšo toorjâ
    • uásitipšoruttâ
  • pyeccee já vádulii päärni torjuuh
  • elettemtoorjâ.

Pärnipeerâ puáhtá finniđ meid eres Kela torjuid

Täärhist meid, ete puávtáh-uv tun finniđ maidnii eres Kela mäksim torjuid. Eres perrui lohtâseijee Kela torjuuh láá ovdâmerkkân aassâm torjuuh, puáccáámân lohtâseijee sajanmáávsuh, uáppee já viärjukenigâs torjuuh já pargottesvuotâtorvo.

Luuvâ lase

Mon mielâst tun lah sijđoost?