Elettemtoorjâ | Anarâškielâ | KelaMoonâ siskáldâsân

Elettemtoorjâ

Jis vaanhimeh iäránává, te päärnih pääcih távjá nube vaanhimân. Talle tot vaanhim, kiän lunne pärni ij aasâ, máksá elettemiše vaanhimân, kiän lunne pärni áásá. Vaanhim, kiän lunne pärni ij aasâ, kočoduvvoo elettemkenigâssân.

Motomin elettemkenigâs ij määvsi elettemiše tâi elettemkenigâs vaanhim ij lah. Talle Kela puáhtá mäksiđ elettemtorjuu ton vaanhimân, kiän lunne pärni áásá.

Kela máksá elettemtorjuu, jis

  • elettemkenigâs vaanhim ij lah máksám elettemiše
  • elettemiše lii elettemkenigâs ekonomâlii tile tiet ucceeb ko elettemtoorjâ
  • päärni adoptist tuše ohtâ vaanhim
  • päärnist ij lah visásmittum eeči
  • päärnist lii visásmittum eeči, mutâ elettemiše ij lah puáhtám visásmittiđ.

Elettemtoorjâ lii päärni kuáttá suulân 196 eurod mánuppaajeest. Elettemtorjust ij perruu viäru.

Luuvâ lase elettemtorjuu ucâmist (suomâkielân).

Tiäđuh elettemkenigâsân

Jis Kela máksá elettemtorjuu, te tot piärá elettemkenigâsâst mävsihánnáá pááccám elettemiišijd. Toh kočoduvvojeh elettemiševelgin.

Jis tun jieh pyevti tuu ruttâtile tiet mäksiđ elettemiševeelgi Kelan, te tun puávtáh uuccâđ mäksimist luovâsmittem Kelast.

Sijđo lii peividum 9.2.2024

Mon mielâst tun lah sijđoost?