Sajanmáávsuh priivaat pyecceetipšoost já pänitipšoost

Sajanmáávsuh priivaat pyecceetipšoost

Kela máksá sajanmáávsu, ko tun iäláh puácuvuođâ tiet priivaat tuáhtár vuástáväldimist. Kela máksá sajanmáávsu meid tutkâmušâin já tipšoin, maid lii meridâm

gynekolog
psykiatrâ
pänituáhtár
spesiaalpänituáhtár
njälmi- já käibikirurgia spesiaaltuáhtár.

Tun finniih sajanmáávsu meid psykolog toohâm tutkâmušâin, jis tutkâmuššáid lii tuáhtár miärádâs.

Kela máksá sajanmáávsu fysioterapiast enâmustáá neljii kalenderivveest.

Kela ij määvsi sajanmáávsu, jis tun uusah priivaat tuáhtárist tuáhtárciälkkámuš ovdâmerkkân vyeijimkoortâ, iäláttuv tâi oppâlájádâsân uuccâm várás.

Koijad lase palvâlemnumerist 020 692 204.

Tuáhtár vuástáväldim hälbibin 65 ihheed tiävdám ulmuid

1.9.2025–31.12.2027 uárnejuvvoo keččâlem, mast 65-ihásiih já tađe puárásuboh pyehtih moonnâđ priivaat almostuáhtárân häälbib haadan. Tuáhtár vuástáväldim máksá siämmáá ennuv ko almos tiervâsvuođâhuolâttâsâst.

Jis tuáhtár meerrid tunjin tutkâmušâid, te tun máávsáh jieš pele toi haddeest. Taat kuáská kuittâg tuš tiätu almos tutkâmuššáid. Tun puávtáh koijâdiđ tutkâmušâin lase tuáhtárist.

Tun puávtáh jieš valjiđ hiäivulii almostuáhtár. Ko tun väridah ääigi, te täärhist, ete tuáhtár lii mieldi keččâlmist. Tun puávtáh tärhistiđ tom čujottâsâst www.kela.fi/valinnanvapauskokeilu (suomâkielân).

Sajanmáávsuh priivaat pänitipšoost

Kela máksá sajanmáávsu meid njäälmi já paanij tipšoost priivaat pänituáhtárist.

Puávtáh finniđ sajanmáávsu pänituáhtár toohâm njäälmi já paanij tutkâmušâst jyehi nube ivveest. Jis tuu pänituáhtár avžut tärhistem ohtii ivveest, puávtáh finniđ sajanmáávsu ohtii kalenderivveest.

Kela máksá sajanmáávsu meiddei röntgen- já laboratoriotutkâmušâin, maid priivaat pänituáhtár meerrid.

Lasseen Kela máksá sajanmáávsu njälmihygienist adelem tipšoost. Vuolgâttâsâittáá tun puávtáh finniđ sajanmáávsu kuohtii ivveest.

Kela ij táválávt sajanmäävsi päniproteesáid lahtojeijee koloid.

Luuvâ lase pänitipšo sajanmáávsuin (suomâkielân).

Koijad lase palvâlemnumerist 020 692 204.

Tun puávtáh finniđ sajanmáávsu tállán

Tun finniih sajanmáávsu távjá jo vuástáväldimist, ko čááitáh tuu Kela-koortâ. Tun puávtáh uuccâđ sajanmáávsu Kelast meid maajeeldkietân.

Kela máksá tutkâmušâin já tipšoin sajanmáávsu enâmustáá Kela meridam hade ađai enâmushade mield. Kela ij määvsi palvâlemmáávsuid.

Tiipšon olgoenâmijn

Jis tun moonah tiipšon nube EU- tâi Eta-enâmân, Sveitsin tâi Stuorrâ-Britannian, tun puávtáh pivdeđ tipšo várás Kelast munelove tâi moonnâđ tiipšon jiešráđálávt munelovettáá. Jis tun máávsáh tipšo jieš, tun puávtáh uuccâđ Kelast sajanmáávsu koloin.

Luuvâ lase tiervâsvuotâpalvâlusâi kevttimist olgoenâmijn (suomâkielân).

Maid sajanmäksih tuáhtár kulen elimist?

Kela sajanmáksá priivaat tuáhtár máávsust 30 eurod. Psykiatrâ máávsust Kela sajanmáksá 50 teikâ 60 eurod. Summe šadda vuástáväldimääigi kukkoduv mield.

Jis tun iäláh priivaat spesiaaltuáhtár kulen já tot máksá 100 eurod, te Kela sajanmáksá 30 eurod. Tun máávsáh jieš loopâid 70 eurod.

Jis tun iäláh priivaat psykiatrâ kulen, já 45 miinuut vuástáväldim máksá 200 eurod, te Kela sajanmáksá 50 eurod. Tun máávsáh jieš loopâid 150 eurod.

Sajanmáávsuh priivaat pyecceetipšoost já pänitipšoost