Riŋge
Sámegielat telefonbálvalusas oaččut persovnnalaš rávvema ja bagadeami áššiin, mat gusket Kela ovdduid.
Davvisámegielat telefonbálvalus
árgan dmu 9–11
020 634 2894
Davvisámegielat telefon- ja gáiddusbálvalus lea gitta doaisttážii 7.3. rájes. Sáhtát guođđit riŋgenbivdaga čujuhussii saame@kela.fi. Mii riŋget dutnje ruovttoluotta.
Juos davvisámegielat telefonbálvalus lea gitta dahje várrejuvvon, de sáhtát sáddet rávdnjepoastta čujuhussii saame@kela.fi ja bivddát, ahte dutnje váldojuvvo oktavuohta. Muital oktavuođaváldinbivdagis iežat nama ja telefonnummira. Ale sádde rávdnjepoasttas persovnnalaš dieđuid.
Kela sámegielat bargi dahje dulka, man Kela ordne, riŋge dutnje ja soahpá áššiid doaimmaheamis.
Riŋgema haddi
Riŋgen Kelan bálvalannummirii máksá:
- mobiilatelefonmávssu, dalle go riŋge mobiilatelefovnnas
- báikkálaš fierpmádatmávssu, dalle go riŋge giddes fierpmádagas
- olgoriikka telefonmávssu, dalle go riŋge olgoriikkas.
Haddi guoská maid ráiddus vuorddašeami. Mávssut mearrašuvvet du operáhtora hattiid mielde. Juos geavahat hupmanpakeahta, de dalle gánneha dárkkistit iežas operáhtoris, gulletgo 020-álgosaš riŋgemat dasa.