Puoccâmpeiviruttâ, vajoidittem vâi iäláttâh? | Anarâškielâ | KelaMoonâ siskáldâsân

Puoccâmpeiviruttâ, vajodittem vâi iäláttâh?

Jis puácuvuotâ pištá kuhháá, te tun puávtáh uuccâđ torjuu vajodittem várás.

Ko tun lah finnim puoccâmpeiviruuđâ 60, 150 já 230 argâpeivid, te Kela seelvât, ete puávtáččij-uv vajodittem išediđ tuu pargonaavcâi pyereedmist.

Jis tuu mielâst oro, ete tun tarbâšah vajodittem, te savâstâl ääšist tuáhtárijnâd tâi vääldi ohtâvuođâ Kelan.

Pargonavcâttesvuotâiäláttâh

Puoccâmpeiviruttâ máksoo táválávt enâmustáá 300 argâpeivid.

Jis tuu puácuvuođâst tâi váádust šaddee pargonavcâttesvuotâ juátkoo jiehke tun pyevti finniđ puoccâmpeiviruuđâ, te tun puávtáh uuccâđ pargonavcâttesvuotâiäláttuv. Tom puáhtá mäksiđ pargoiäláttâhlájádâs, Kela tâi kuohtuuh. Kela máksá pargonavcâttesvuotâiäláttuv, jis tun jieh lah lamaš pargoelimist tâi jis tun jieh finnii tuárvi iäláttuv pargoiäláttâhlájádâsâst.

Pargonavcâttesvuotâiäláttuv finniimân vaaigut

  • maggaar puácuvuotâ tâi váddu tust lii
  • mon puáris tun lah
  • maid pargoid tun lah porgâm
  • maggaar škovliittâs tust lii.

Jis tun jieh paste maccâđ paargon jiehke finnii iäláttuv, te almottât pargo- já iäláttâstoimâttâhân ađai PI-toimâttâhân pargottes pargo-occen. Almottât majemustáá čuávuváá peeivi puoccâmpeiviruuđâ nuhâmist. Návt tun puávtáh finniđ pargottesääigi peiviruuđâ, ko tun vuárdáh miärádâs tuu pargonavcâttesvuotâiäláttuvâst.

Jis tun lah pargotteskasa jeessân, te uusâ tienâspeiviruuđâ tuu jieijâd pargotteskassaast.

Sijđo lii peividum 8.2.2024

Mon mielâst tun lah sijđoost?