Bargguhisvuođabeaiveruhta | Davvisámegiella | KelaMana sisdollui

Bargguhisvuođabeaiveruhta

Bargguhisvuođabeiveruhta sáhttá leat dietnasii čatnašuvvan beaiveruhta dahje vuođđobeaiveruhta.

Dietnasii čadnon beaiveruhta

Dietnasii čatnašuvvan beaiveruđa sturrodat rehkenastojuvvo dietnasiid dahjege boađuid mielde. Sáhtát oažžut dietnasii čatnašuvvan beaiveruđa, jos gulat bargguhisvuođakássii. Sierra ámmátsurggiin lea dávjá iežas bargguhisvuođakássa. Gávdnojit maiddái bargguhisvuođakássat, maidda gii beare sáhttá searvat lahttun.

Kela ii mávsse dietnasii čatnašuvvan beaiveruđa, iige dat ohccojuvvo Kelas.

Bargguhisvuođakássa máksá dietnasii čatnašuvvan beaiveruđa, jos leat doarvái guhkká leamašan bargguhisvuođakássa lahttu ja barggusorruneaktu ollášuvvá. Barggusorruneaktu ollášuvvá, jos leat doarvái guhká leamašan barggus ovdal go bázat bargguheapmin.

Dietnasii čatnašuvvan beaiveruhta máksojuvvo eanemustá 400 beaivvi. Jos leat leamašan barggus vuollel 3 jagi, sáhtát oažžut dietnasii čatnašuvvan beaiveruđa eanemustá 300 beaivvi.

Jeara lassidieđuid dietnasii čatnašuvvan beaiveruđas iežat bargguhisvuođakássas dahje Bargguhisvuođakássaid oktasašorganisašuvnnas (tyj.fi, suomagillii).

Vuođđobeaiveruhta

Jos it leat bargguhisvuođakássa lahttu itge oaččo dietnasii čatnašuvvan beaiveruđa, Kela máksá vuođđobeaiveruđa. Dat máksojuvvo eanemustá 400 beaivvi. Jos leat leamašan barggus vuollel 3 jagi, vuođđobeaiveruhta máksojuvvo eanemustá 300 beaivvi.

Vuođđobeaiveruđa oažžumii leat ráddjehusat, jos leat vuollel 25-jahkásaš. Dárkkis BE-doaimmahagas, sáhtátgo oažžut vuođđobeaiveruđa.

Loga lasi vuođđobeaiveruđa ohcamis (suomagillii).

Man olu sáhttá oažžut vuođđobeaiveruđa?

Vuođđobeaiveruhta lea 37,21 euro beaivvis, ja dat máksojuvvo 5 beaivvis vahkus. Jos dus leat mánát, oaččut mánnábajádusa. Dat lea 5 ,84 –11 ,05 euro beaivvis mánáid logu mielde.

Mánnábajádus ii máksojuvvo šat 1.4.2024 rájes, daningo láhka rievdá.

Vuođđobeaiveruhtii sáhttá máksit bajádusoasi, jos oassálasttát BE-doaimmahagain sohppojuvvon doibmii. Vuođđobeaiveruđa bajádusoassi lea 5,29 euro beaivvis. Vuođđobeaiveruđa bajádusoassi máksojuvvo eanemustá 200 beaivvis.

Mávssat vearuid vuođđobeaiveruđas.

Sáhtát ieš árvvoštallat rehkenastiin, man olu oaččut vuođđobeaiveruđa (suomagillii).

Barggusorronneaktu

Vai oaččut vuođđobeaiveruđa, fertet deavdit barggusorroneavttu. Barggusorronneaktu ollašuvvá, jos

  • leat leamašan barggus 26 vahku ovddit 28 mánu áigge
  • du bargoáigi lea leamašan unnimustá 18 diimmu vahkus
  • du bálká lea leamaš suorggi bargoeaktosoahpamuša mielde dahje unnimustá 1 331 euro mánotbajis.

Barggusorruneaktu rievdá 2.9.2024. Dan maŋŋá barggusorruneaktu čoggo

  • okta mánotbadji, jos leat ožžon mánotbaji áigge bálkká unnimustá 930 euro
  • bealle mánotbadji, jos leat ožžon mánotbaji áigge bálkká unnimustá 465 muhto vuollel 930 euro.

Leat deavdán barggusorruneavttu, go dát barggus orrun mánotbajit leat čoggon oktiibuot 12 maŋimuš 28 mánotbaji áigge.

Maiddái barganbajit muhtun eará EU- dahje Edg-riikkas dahje Šveiccas sáhttet dohkkehuvvot.

Barggusorronektui sáhttá rehkenastit barggu guhkitge áigodagas go 28 mánotbaji áiggis ovdamearka dihte čuovvovaš dáhpáhusain:

  • leat buohcan
  • leat studeren
  • dikšon vuollel 3-jahkásaš mánát
  • oassálastán BE-doaimmahaga ordnen doibmii.

Fitnodatdoalliin lea sin iežaset barggusorroneaktu. Jos leat fitnodatdoalli, dárkkis vuođđobeaiveruđa eavttuid Kelas.

Bargguheapmin olgoriikkain

Bargguhisvuođabeaiveruhta máksojuvvo muhtun dáhpáhusain maiddái dalle, go leat olgoriikkain ja ozat doppe barggu.

Sáhtát jearrat lasi bálvalannummiris 020 692 210.

Siidu beaiváduvvon 15.2.2024

Maid jurddašat siiddu birra?