Barggus olgoriikkain | Davvisámegiella | KelaMana sisdollui

Barggus olgoriikkain

Bargan EU-riikkas, Edg-riikkas, Sveiccas dahje Stuorra-Británnias

Jos manat bargui dáid riikkaide, oanehašge bargan váikkuha nie, ahte dus ii leat šat vuoigatvuohta Kela doarjagiidda.

Sáhtát goittotge oažžut doarjaga dan riikkas, gos barggat. Sáhtát oažžut doarjaga, vaikko it ásaše dan riikkas, gos barggat.

Rádjebargit

Rádjebargi lea olmmoš, guhte máhccá jeavddalaččat beaivválaččat dahje unnimustá oktii vahkkui su iežas fásta ássanriikii.

Jos barggat rádjebargin nuppi EU-riikkas dahje Edg-riikkas, dus lea vuoigatvuohta barganriikka doarjagiidda. Doarjaga oažžumii ii váikkut dat, guđe riikkas ásat.

Sáddejuvvon bargit

Sáddejuvvon bargit leat olbmot, geaid suopmelaš bargoaddi lea sádden bargui olgoriikii.

Fárret EU-riikii, Edg-riikii, Sveicii dahje Stuorra-Británniai

Jos du bargoaddi sádde du bargui dáid riikkaide, dus lea dábálaččat vuoigatvuohta Kela doarjagiidda.

Du bargoaddi galgá ohcat dutnje Ealáhatdorvoguovddážis A1-duođaštusa. Dainna čujuhat nuppi riikkas, ahte bargoaddát máksá sosiáladorvomávssuid Supmii.

Lassidieđuid duođaštusa ohcamis oaččut Ealáhatdorvoguovddážis (etk.fi, suomagillii).

Fárret riikii, mainna Suomas lea sosiáladorvosoahpamuš

Jos du bargoaddi sádde du bargui sosiáladorvosoahpamušriikii, dus lea dábálaččat ain vuoigatvuohta Kela doarjagiidda. Bargogohččun sáhttá dalle bistit badjel 6 mánuge.

Du bargoaddi galgá ohcat dutnje sáddejuvvon bargi duođaštusa. Dan oažžu Ealáhatdorvoguovddážis. Duođaštusa vuođul Kela dutká, sáhttágo dutnje ain máksit doarjagiid.

Fárret eará guvlui

Jos du bargoaddi sádde du bargui vuollel 6 mánotbaji áigái eará go EU-riikii, Eta-riikii, Sveicii, Stuorra-Británniai dahje sosiáladorvosoahpámušriikii, dus lea ain vuoigatvuohta Kela doarjagiidda.

Jos du bargoaddi sádde du bargui badjel 6 mánotbaji áigái, almmut ovttas bargoaddiin olgoriikka barggus Kelai. Almmuhusa galgá dahkat maŋimustá dalle, go leat máhccamin Supmii.

Siidu beaiváduvvon 16.2.2024

Maid jurddašat siiddu birra?