Maidda ássangoluide sáhttá oažžut doarjaga? | Davvisámegiella | KelaMana sisdollui

Maidda ássangoluide sáhttá oažžut doarjaga?

Sáhtát oažžut ássandoarjaga ovdamearkan čuovvovaš ássangoluide:

  • láigovisti: láigu ja čáhce- ja liggengolut
  • iežat oamastanvisti: vástta, visteloana reanttut ja čáhce- ja liggengolut
  • iežat bearašviessu: giddodaga dikšungolut ja visteloana reanttut
  • ássanvuoigatvuođavisti: geavahanvástta, visteloana reanttut ja čáhce- ja liggengolut
  • oasseoamastanvisti: láigu ja čáhce- ja liggengolut.

Čáhcemáksu dohkkehuvvo ássangollun, jos mávssát dan sierra láiggu dahje vástaga lassin. Čáhcemáksun dohkkehuvvojit 20 euro mánotbajis ovtta olbmo guovdu.

Liggengollun dohkkehuvvojit 46 euro mánotbajis, jos borramušgáccis lea ovttaskas olmmoš. Jos borramušgázzái gullet máŋga olbmo, liggengoluide lasihuvvojit 16 euro juohke lassiolbmo nammii.

Jos ásat bearašdálus, ássangollun dohkkehuvvojit dikšungolut nappo čáhce-, liggen- ja eará bearašdálu golut. Dohkkehuvvon dikšungoluid sturrodat lea meroštallojuvvon lágas.

Jos dus lea visteloatna, ássangollun dohkkehuvvo 73 proseantta dahjege measta golbma njealjátoassi loana reanttuin.

Jeara lasi bálvalannummiris 020 692 210.

Siidu beaiváduvvon 15.2.2024

Maid jurddašat siiddu birra?