Mo doarjaga mearri rehkenastojuvvo? | Davvisámegiella | KelaMana sisdollui

Mo doarjaga mearri rehkenastojuvvo?

Sáhtát oažžut vuođđoáigáiboahtindoarjaga, jos dus leat eanet vuođđoáigáiboahtindoarjagis dohkkehuvvon golut go boađut ja várit.

Kela dahká rehkenastima du boađuin, váriin ja goluin. Vuođđooassi rehkenastojuvvo mielde goluide. Rehkenastima mielde čielgá, olugo sáhtát oažžut vuođđoáigáiboahtindoarjaga.

Doarjaga meari oažžu nu, ahte boađuin geahpeduvvojit golut, maidda sáhttá oažžut áigáiboahtindoarjaga.

Áigáiboahtindoarjagis ii gessojuvvo vearru.

Árvvoštala rehkenastiin, man olu sáhtát oažžut áigáiboahtodoarjaga (suomagillii).

Ovdamearka vuođđoáigáiboahtindoarjaga meari rehkenastimis

Sárá lea bargguhis oktofuolaheaddji, geas leat guokte vuollái 10-jahkásaš máná. Son ohcá Kelas vuođđoáigáiboahtindoarjaga danin, go su ruđat eai reahkká buot goluide. 

Bearraša boađut ja várit leat:

  • bargguhisvuođadoarjja 595,36 euro mánotbajis (netton elege vearuid maŋŋá)
  • mánáidruhta ja oktofuolaheaddjibajádus 346,32 euro mánotbajis
  • ássandoarjja 579,60 euro mánotbajis
  • ealihandoarjja 395,42 euro mánotbajis
  • 250 euro, mii lea Sárá seastokonttus.

Boađut oktiibuot: 2 166,70 euro mánotbajis.

Bearraša golut leat:

  • láigu 810 euro mánotbajis
  • čáhcemáksu 45 euro mánotbajis
  • šleađgarehket 52 euro mánotbajis
  • dearvvasvuođaguovddášmáksu 26 euro
  • dábálaš árgabeaivvi golut nappo vuođđooasit oktiibuot 1471,52 euro mánotbajis
    • oktofuolaheaddji 665,19 euro mánotbajis
    • vuosttas badjel 10-jahkásaš mánná 417,63 euro mánotbajis
    • nubbi badjel 10-jahkásaš mánná 388,70 euro mánotbajis.

Golut oktiibuot: 2404,52 euro mánotbajis.

Boađuin geahpeduvvojit golut: 2166,70 euro – 2404,52 euro = -237,82 euro

Kela máksá Sárá bearrašii vuođđoáigáiboahtindoarjaga 237,82 euro mánotbajis.

Ovdamearkka euromearit leat fámus 1.3.2026 rájes.

Siidu beaiváduvvon 9.1.2026