Mii lea áigáiboahtindoarjja? | Davvisámegiella | KelaMana sisdollui

Mii lea áigáiboahtindoarjja?

Sáhtát ohcat áigáiboahtindoarjaga, jos du ruđat eai reahkká vealtameahttun goluide. Vealtameahttun golut leat ovdamearkka dihte láigu, borramuš, dearvvasvuođadikšun ja biktasat.

Áigáiboahtindoarjagis leat golbma oasi:

  • vuođđoáigáiboahtindoarjja
  • dievasmahtti áigáiboahtindoarjja
  • eastadeaddji áigáiboahtindoarjja.

Vuođđoáigáiboahtindoarjja ohccojuvvo Kelas.

Dus sáhttet leat maiddái dakkár golut, maidda it sáhte oažžut vuođđoáigáiboahtindoarjaga. Dalle buresveadjinguovllu sosiálabálvalusat sáhttet iežas árvvoštallama mielde mieđihit dutnje dievasmahtti ja eastadeaddji áigáiboahtindoarjaga.

Oza álo vuos Kelas vuođđoáigáiboahtindoarjaga. Sáhtát čállit ohcamuša Lassidieđut-čuoggái daid goluid, maidda dárbbašat dievasmahtti dahje eastadeaddji áigáiboahtindoarjaga. Sáhtát bivdit seammás, ahte Kela sirdá ohcamuša buresveadjinguovllu sosiálabálvalusaide gieđahallanláhkái.

Loga lasi

Siidu beaiváduvvon 15.2.2024

Maid jurddašat siiddu birra?