Jos paʹlǩǩääk tuâjjla
Jos leäk põõrǥâsneǩ da paʹlǩǩääk tuâjjla, tuʹst šâdd tuâjjuʹvddi.
Tuâjjuʹvddjen ton õõlǥak håiddad määŋgaid aaʹššid, kook koʹlle Kela tuärjjõõzzid da koʹrvvõõzzid. Tuâjjuʹvddi âlgg
- iʹlmmted tuâjjlai paaʹlǩid puåđrekisteera
- mäʹhssed tuâjjlai puõʒʒâlmååsktõsmääusaid
- jäʹrjsted tuâjjlaid tuâjjtiõrvâsvuõtthuâl.
Måtam vueʹjjin tuâjjuʹvddji vuäitt vuäǯǯad Kelast peiʹvvtieʹǧǧ.
Vuäitak håiddad Kela-aaʹššid ouddmiârkkân teʹlfoonin da tuâjjuʹvddjid jurddum neʹttkääzzkõõzzin. Jos tuu põrggsest lij tiillkoontâr, vuäitak še suåppâd, što tõt håidd põrggsad Kela-aaʹššid.
Iʹlmmet paaʹlǩid puåđrekisteera
Tuâjjuʹvddi âlgg iʹlmmted tuâjjlai paaʹlǩid puåđrekisteera. Iʹlmmet tuâjjlai paaʹlǩid puåđrekisteera 5 peeiʹv seʹst tõʹst, ko leäk mähssam tõid.
Kela vuäǯǯ puåđrekisteeʹrest teâđaid tuâjjlai paaʹlǩin. Täid teâđaid Kela taarbaš teʹl, ko tõt mähss tuärjjõõzz tuâjjlaid ouddmiârkkân puõʒʒâlm ääiʹj.
Määuʹs puõʒʒâlmååsktõsmääusaid
Tuâjjuʹvddi âlgg mäʹhssed tuâjjlain puõʒʒâlmååsktõsmääusaid Tän nalla tuâjjuʹvddi vuässââtt Kela tuärjjõõzzi teäggtummša.
Jääʹrjest tuâjjlääd tuâjjtiõrvâsvuõtthuâl
Tuâjjuʹvddjen ton õõlǥak jäʹrjsted tuâjjlääd tuâjjtiõrvâsvuõtthuâl.
Tuâjjtiõrvâsvuõtthuâll lij kuõiʹtnallšem, pääkklaž da jiõččtäättlaž. Tuâjjuʹvddi âlgg jäʹrjsted cõggi tiõrvâsvuõtthuâl, kååʹtt miârkkšââvv nåkam tiõrvâsvuõtthuâl, kååʹtt câgg puõʒlmid õõudǩiõʹtte. Tõõzz koʹlle ouddmiârkkân tiõrvâsvuõtt-taʹrǩstõõzz.
Tuâjjuʹvddi vuäitt jäʹrjsted veâl vueiʹttemvuõđ jieʹlled tuâjjtiõrvâsvuõttdåhttrest, ko sij puâccje. Tõn jäʹrjstummuš lij jiõččtäättlaž.
Kela koʹrvvad põrggsasad vueʹzz tõin koolain, koid tuâjjtiõrvâsvuõtthuâl jäʹrjstummuš šõõddat.
Kela vuäitt mäʹhssed peiʹvvtieʹǧǧ põrggsasad
Jos tuâjjlaž ouddmiârkkân puâccai leʹbe vuäǯǯ päärna da lij tõn diõtt meädda tuâjast, põrggsad vuäitt vuäǯǯad peiʹvvtieʹǧǧ Kelast.
Jos määusak tuâjjliʹžže pääʹlǩ meädda åårram äiʹǧǧen. Kela vuäitt mäʹhssed tuâjjla peiʹvvtieʹǧǧ tuu põrggsa. Jos tuâjjlaž lij kuuʹǩǩ ääiʹj meädda, põõrǥâs ij taarbâž mäʹhssed suʹnne pääʹlǩ. Mâŋŋa tõʹst Kela mähss peiʹvvtieʹǧǧ tuâjjliʹžže.
Kela vuäitt mäʹhssed põrggsasad õuddmiârkkân puõʒʒâlmpeiʹvvtieʹǧǧ, puärrsitieʹǧǧ da säuʹrsmâʹttemtieʹǧǧ.