Põõrǥâsneeʹǩǩ tuâjjtiânnâz | Nuõrttsääʹmǩiõll | KelaSirddu siiskõʹsse

Põõrǥâsneeʹǩǩ tuâjjtiânnâz

Põrggjen ton õõlǥak jiõčč ärvvtõõllâd, mii lij tuu tuâj ärvv teäʹǧǧen. Taarbšak tän ärvvtõõllmõõžž leʹbe tuâjjtiânnâz jeältõkååsktõʹsse, ko tuâjjtiânnsad vaaikat tuu jeältõõǥǥ meärra.  Tuâjjtiânnsad vaaikat veâl tõõzz, mõõnn jiânnai vuäitak vuäǯǯad Kelast tuärjjõõzzid, jos õuddmiârkkân vuäǯǯak päärna leʹbe puâccjak. Tuâjjtiânnsad vuâđald Kela tuʹmmad, lij-a tuʹst vuõiggâdvuõtt vuäǯǯad tuärjjõõzz, jos tuʹst  tuâjj poott.

Lââʹssteâđ tuâjjtiânnâz pirr lie työeläke.fi-seeidain (lääddas).

Koʹst Kela vuäǯǯ teâđ tuu tuâjjtiânnsest?

Tääuʹjmõsân ton jiõk taarbâž iʹlmmted tuu puåttjid Kelaaʹje. Kela vuäǯǯ teâđ tiânnsinad vuõiʹǧǧest reâuggjeältõkstroiʹttlest, nuʹtt što riʹjttai, ko iʹlmmtak tuâjjtiânnsad tok.

Tuʹst vuäiʹtte leeʹd še päʹlǩǩpuåtti, koid leäk vuäǯǯam jeeʹres sââʹjest ko jiijjad põrggsest. Tuâjjtiânnsad teâđaid Kela vuäǯǯ puåđrekisteeʹrest.

Jos taarbšep lââʹzz teâđ puåttjääd pirr, raukkâp teâđ tuʹst.

Jos vuäǯǯak jeeʹres puåttjid tuu põrggsest

Måtam tuärjjõsooccmõõžžid Kela taarbâž teâđ jeeʹres še puåttjin ko tuâjj- da päʹlǩǩpuåttjin. Ouddmiârkkân piʹrǧǧeemtuärjjõõzz ooccmõõžžâst âlgg iʹlmmted põõrǥâstååim pukid puåttjid.

Jos ooʒʒak Kelast tuärjjõõzz, looǥǥ ooccâmlomaakk tärkka. Tõʹst peäggtet, koid puåttjid ton õõlǥak iʹlmmted Kelaaʹje.

Looǥǥ lââʹzz

 

Seidd peeiʹvtum 21.6.2023

Mõõnn miõl leäk seeidast?