Saaǥǥ MuuKelast
Kela-aaʹššid ij vueiʹt håiddad neʹttpååʹšt mieʹldd, ǥu tõt ij leäkku teâttstaanlaž. Saaǥǥi vuõlttummuš da vuâsttavälddmõš MuuKelast lij teâttstaanlaž.
MuuKela saaǥǥin vuäitak
- kõõččâd jiijjad tuärjjõsaaʹššid
- vuäǯǯad vuäʹpstummuž ǩirrsateʹmes aaʹššid
- vuõltteed lââʹssteâđaid.
Vuäitak še vuõltteed saaǥǥ MuuKelast, ǥu äʹššääk nuuʹbb oummu peäʹlest.
Kaaunak saaǥǥid MuuKela seeidast Vuõlttâd da looǥǥ saaǥǥid leʹbe pääiʹǩest Vuõiggpälggaz.
Što vueiʹttep väʹldded tuʹnne õhttvuõđ vuõltteeʹl saaǥǥ MuuKela pääiʹǩ, ton õõlǥak uʹvdded tõõzz lååʹv. Vuäǯǯak iʹlmmtõõzz ođđ MuuKela saaǥǥin neʹttpååʹšt mieʹldd leʹbe teʹksttsaaǥǥin.
Nääiʹt ooudak Kela lååʹv vuõltteed saaǥǥid
- Ǩeeʹrjtõõđ OmaKela sizz.
- Sirddu sijddu Päivitä omia tietojasi.
- Pääiʹǩest Omat tiedot vaʹlljed Viestit OmaKelaan.
- Vaʹstted ”kyllä” kõõččmõʹšše ”Saako Kela lähettää sinulle viestejä OmaKelaan?”
- Vaʹlljed, haaʹlääk-a iʹlmmtõõzzid ođđ saaǥǥin neʹttpååʹšt mieʹldd avi teʹksttsaaǥǥin.
Kaaunak saaǥǥid MuuKelast pääiʹǩest Vuõiggpälggaz.
Jõs taarbšak sääʹmǩiõl puällpååʹrd
Ǥu haaʹlääk vuõltteed Kelaaʹje sääʹmǩiõllsa saaǥǥ, taarbšak tõn ǩeeʹrjtummša sääʹmǩiõllsa puällpååʹrd ohjjeei prograamm. Jõs tuʹst ij veâl leäkku nåkam, vuäitak šiõtteed tõn jiõčč saakkneävvsad.
Kaaunak vuäppõõzzid da veäʹǩǩneävvaid sääʹmǩiõllsai puällpååʹrd ohjjeei prograammi da vuõigglookkâmprograammi šiõttummša addrõõzzin divvun.no da borealium.org.