Mõõn ääiʹjest vueʹljeeʹl vuäitak vuäǯǯad Kela tuärjjõõzzid? | Nuõrttsääʹmǩiõll | KelaSirddu siiskõʹsse

Koon rääʹjest vueʹljeeʹl vuäitak vuäǯǯad Kela tuärjjõõzzid?

Vuäitak vuäǯǯad Kela tuärjjõõzzid takainalla tõn peeiʹvest vueʹljeeʹl, ko siirdčõõđak Lääʹddjânnma.

Måtam tuärjjõõzzid määuʹset kuuitâǥ tåʹlǩ tõid, kook lie jälstam Lääʹddjânnmest tiõttum ääiʹj ouddâl tuärjjõõzz miõttmõõžž.

Näkam tuärjjõõzz lie ouddmiârkkân

  • reâuǥteʹmesvuõttstaan vuâđđpeiʹvvteäʹǧǧ
  • Kela jeältõõǥǥ
  • pâʹjjel 16-ekksa lääʹmesvuõtt-tuärjjõs.

Måtam tuärjjõõzzid miõđeen Kela väldd lokku põõʹjid, kuäʹss leäk leämmaž puõʒʒâlmååsktum jeeʹres EU-jânnmest, Etv-jânnmest, Sveiʹccjânnmest leʹbe Jõnn-Britanniast.

Tääʹrǩest Kelast, kuäʹss vuäitak vuäǯǯad Kela tuärjjõõzz. Kõõjj lââʹzz kääzzkâʹsttemnââmrest 020 634 0200.

Ouddmiârkk: Lääʹddjânnma tuõjju

Rachel Õhttõõvvâmvaaʹldin reâugg Lääʹddjânnmest lääʹdd põrggsest. Son ääiǥai aalǥâst jälsted Lääʹddjânnmest vuâlla 6 määnpââʹj, di suʹst jeäʹla vuõiggâdvuõđ Kela tuärjjõõzzid Lääʹddjânnmest jälstem vuâđald.

Reâuggmõõžž vuâđald Rachelist lie kuuitâǥ tâʹlles tuâj alttummuž mâŋŋa vuõiggâdvuõđ koid-ne Kela tuärjjõõzzid, jõs tõi määin teâuddje. Näkam tuärjjõõzz lie ouddmiârkkân puõccihååid koʹrvvõõzz da puõʒʒâlmpeiʹvvteäʹǧǧ.

Mâʹŋŋlubust Rachel reâuggkõskkvuõđ muuʹttet põõššjen. Kõskkpoddsaž åårrmõš Lääʹddjânnmest mottai põõšši jälstummšen. Tõn mâŋŋa Rachelist lij vuõiggâdvuõtt še tõid tuärjjõõzzid, koid määuset tåʹlǩ Lääʹddjânnmest jälsteeʹjid. Näkam tuärjjõõzz lie ouddmiârkkân jälstemtuärjjõs da jeäʹnnveäʹǩǩvuõtt.

Seidd peeiʹvtum 16.2.2024

Mõõnn miõl leäk seeidast?