Buhtadusat priváhta buohccedivššus ja bátnedivššus

Buhtadusat priváhta buohccedivššus

Kela máksá buhtadusa, go finat buohcuvuođa dihte priváhta doaktára luhte. Kela máksá buhtadusa maiddái dain dutkamušain ja divššus, maid priváhta doavttir lea mearridan. Dat leat ovdamearkka dihte fysioterapiija ja laboratoriadutkamušat.

Kela ii mávsse buhtadusa, juos ozat priváhta doaktáris doavttircealkámuša ovdamearkka dihte vuodjinkoartta, ealáhaga dahje oahppolágádussii figgama várás.

Jeara lasi bálvalannummiris 020 692 204.

Buhtadusat priváhta bátnedivššus

Kela máksá buhtadusa maiddái njálmmi ja bániid divššus priváhta bátnedoaktáris. Sáhtát oažžut buhtadusa bátnedoaktára njálmmi ja bániid dutkamušas juohke nuppi kaleanddarjagi. Juos bátnedoavttir ávžžuha dárkkisteami oktii jagis, sáhtát oažžut buhtadusa oktii kaleandarjagis.

Kela máksá buhtadusa maiddái röntgen- ja laboratoriijadutkamušain, maid priváhta bátnedoavttir mearrida.

Kela máksá buhtadusa maiddái njálbmehygienistta divššus, juos priváhta bátnedoavttir lea mearridan dan.

Kela ii dábálaččat buhtte bátneprotesaide laktáseaddji goluid.

Loga lasi bátnedivššu buhtadusaid ohcamis (suomagillii).

Jeara lasi bálvalannummiris 020 692 204.

Sáhtát oažzut buhtadusa dalán

Oaččut buhtadusa dávjá juo vuostáiváldimis, go čájehat iežat Kela-koartta. Sáhtát ohcat buhtadusa Kelas maiddái maŋálgihtii.

Kela buhtte dutkamušain ja divššus eanemustá Kela mearridan távssaid dahje eanemushatti mielde. Kela ii buhtte doaimmahatgoluid.

Sáhtát dárkkistit távssaid neahtas (suomagillii).

Juos ohcalat dikšui nuppi EU-riikii, Edg-riikii, Stuorra-Britanniai dahje Sveicii, oaččut divššus seamma buhtadusa, go man oaččošit Suomas.

Loga lasi dearvvasvuođabálvalusaid geavaheamis olgoriikkain (suomagillii).

Mii doaktára luhtte fitnamis buhttejuvvo?

Máhtte finai priváhta spesiáladoaktára luhte ja mávssii 20 minuhta vuostáiváldinfitnamis 80 euro. Kela buhtadus lea 13,50 euro. Kela buhtte 13,50 euro, ja Máhtte máksá ieš loahppaoasi nappo 66,50 euro (80 e – 13,50 e = 66,50 e).