Buhtadusat mátkkiin | Davvisámegiella | KelaMana sisdollui

Buhtadusat mátkkiin

Kela buhtte mátkegoasttádusaid almmolaš dahje priváhta dearvvasvuođadikšui, jos jođát dikšui buohcuvuođa, áhpehisvuođa dahje riegádahttima dihte. Kela buhtte mátkki priváhta dearvvašvuođadikšui, jos divššus oažžu Kela-buhtadusa dahje jos dus lea buresveadjinguovllu máksinčatnašupmi dahje bálvalanseđel. Mátkkit buhttejuvvojit dábálaččat lagamuš dikšunbáikái ja hálbbimus johtinvuogi mielde.

Kela buhtte mátkkiid veajuiduhttimii, jos veajuiduhttin vuođđuduvvá Kela dahje almmolaš dearvvasvuođadivššu veajuiduhttinmearrádussii.

Jos dus galgá leat mieđušteaddji dahje bearašlahttu mielde, sáhtát ohcat buhtadusa maiddái sin mátkegoluin.

Kela ii buhtte sierra dálkasiid viežžanmátkki apotehkii

Táksesáhtut

Jos gárttat geavahit táksse dearvvasvuođadili dahje heajos johtolatoktavuođaid dihte, sáhtát oažžut mátkkiin buhtadusa. Jos geavahat táksse dearvvasvuođadili dihte, dus galgá leat dikšunlágádusa addán duođaštus, man namma lea Duođaštus mátkebuhtadusa várás, Todistus matkakorvausta varten (SV 67).

Juohke eanangottis leat 2 diŋgonnummira. Sáhtát ieš válljet, goappá nummiris diŋgot mátkki. Go diŋgot táksse diŋgonnummiris, oaččut mátkebuhtadusa dalán táksses.

Jos diŋgot táksse gos nu eará sajis, Kela ii buhtte mátkki.

Sámeguovvlus ássi sámegielat olmmoš sáhttá diŋgot táksesáhtuid maiddái njuolgga sámegielat Kela-táksevuoddjis.

Loga lasi sámegielagiid fástatákseáššehasvuođas Kela siidduin.

Gávnnat tákssiid diŋgonnummiriid Kela siidduin (suomagillii).

Sáhtát čuovvut dutnje jagi áigge čoggon mátkegoasttádusaid neahtas (suomagillii).

​​Mátkkiid iežasvástu

Mátkkiid iežasvástu lea 25 euro mátkkis, mii manná ovtta guvlui. Jos mátki máksá badjel 25 euro, Kela buhtte dutnje supmi, mii manná badjel 25 euro.

Jahkeiežasvástu dahje mátkegáhttu lea 300 euro jagis. Jos mávssát mátkkiin kaleanddarjagis ieš badjel dan, Kela buhtte loahppajagi mátkkiid dievasmearálažžan.

Jos mátkkoštat táksesáhtuin, it dárbbáš ohcat buhtadusa vuollái 25 euro mátkkiin. Kela rehkenastá daid oppa jagi iežasvástui, jos leat diŋgon táksse iežat eanangotti diŋgonnummiris. Jos mátkkoštat eará go tákssiin, oza buhtadusa maiddái vuollái 25 euro mátkkiin. Dalle Kela rehkenastá daid jahkeiežasvástui.

Buhtadus idjadeamis

Jos gárttat ovdamearkan heajos johtolatoktavuođaid dihte idjadit dikšun- dahje veajuiduhttinbáikegottis, sáhtát oažžut idjadanruđa. Dat lea eanemustá 20,18 euro jándoris.

Loga lasi

Siidu beaiváduvvon 15.2.2024

Maid jurddašat siiddu birra?