Vádulâštorjuuh

Jis tust tâi tuu párnáást lii váddu tâi puácuvuotâ, mii pištá kuhháá já mii taha aargâ vaigâdin, puávtáh uážžuđ vádulâštorjuu. Kela árvuštâl tuu vuoigâdvuođâ torjui ton vuáđuld, mon ennuv váddu tâi puácuvuotâ vaaigut tuu aargân. Vádulâštorjust láá kulmâ tääsi.

Vádulâštoorjâ páárnán

Vuálá 16-ihásâš pärni puáhtá uážžuđ vádulâštorjuu, jis

  • sust lii tuáhtár tuođâštem váddu tâi kuhesáigásâš puácuvuotâ
  • suu tipšom lii vátávub já kyermejeijeb ko párnáá, kiäst ij lah váddu tâi puácuvuotâ
  • váddu tâi puácuvuotâ pištá ucemustáá 6 mánuppaje.

Vuáđuvádulâštoorjâ lii suulân 93 e/mp.

Aledum vádulâštoorjâ lii suulân 218 e/mp.

Alemus vádulâštoorjâ lii suulân 423 e/mp.

Luuvâ lase vuálá 16-ihásii vádulâštorjuu ucâmist (suomâkielân).

Vádulâštoorjâ rävisulmui

Puávtáh uážžuđ vádulâštorjuu paijeel 16-ihásâžžân, jis

  • tust lii tuáhtár tuođâštem váddu tâi kuhesáigásâš puácuvuotâ
  • tuu naavcah piergiđ aargâst já huolâttiđ alnaad lii hiäjunâm ucemustáá oovtâ ive ääigi
  • váddu tâi puácuvuotâ toovvât tunjin hááitu tâi tarbâšah ton tiet iše tâi stivrim.

Vuáđuvádulâštoorjâ lii suulân 93 e/mp.

Aledum vádulâštoorjâ lii suulân 218 e/mp.

Alemus vádulâštoorjâ lii suulân 423 e/mp.

Luuvâ lase 16 ihheed tiävdám ulmuu vádulâštorjuu ucâmist (suomâkielân).

Iäláttâhuážžoo tipšomtoorjâ

Iäláttuvâst puávtáh uážžuđ tipšomtorjuu, jis

  • tun lah olespiäiválii iäláttuvâst
  • tust lii tuáhtár tuođâštem váddu tâi kuhesáigásâš puácuvuotâ
  • tuu naavcah piergiđ aargâst já huolâttiđ alnaad lii hiäjunâm ucemustáá oovtâ ive ääigi
  • tarbâšah váádu tâi puácuvuođâ tiet iše tâi stivrim.

Vuáđuvádulâštoorjâ lii suulân 93 e/mp.

Aledum vádulâštoorjâ lii suulân 218 e/mp.

Alemus vádulâštoorjâ lii suulân 423 e/mp.

Veteraanlase lii suulân 108 e/mp.

Luuvâ lase iäláttâhuážžoo tipšomtorjuu ucâmist (suomâkielân).

Vádulij ulmui tulkkumpalvâlusah

Jis tun tarbâšah tulkkum kulováádu, kulo-uáinuváádu tâi sárnumváádu tiet, puávtáh uážžuđ Kela peht tuulhâid aargâ tiilijd.

Tun koolgah vistig uuccâđ torjuu tulkkumpalvâlusân. Ton maŋa puávtáh jieš tiiláđ Kelast tuulhâ ovdâmerkkân uáppoid, pargoelimân tâi puđâldâssáid.

Lasetiäđuh vádulij tulkkumpalvâlusâst (suomâkielân).

Luuvâ, ete maht tun uusah vuoigâdvuođâ kevttiđ vádulij tulkkumpalvâlus (suomâkielân).