Vádulâštorjuuh | Anarâškielâ | KelaMoonâ siskáldâsân

Vádulijtorjuuh

Jis tust tâi tuu päärnist lii váddu tâi puácuvuotâ, mii pištá kuhháá já taha aargâ vaigâdin, puávtáh finniđ vádulijtorjuu.

Vádulijtorjust láá kulmâ tääsi. Kela árvuštâl tuu vuoigâdvuođâ torjui ton vuáđuld, mon ennuv váddu tâi puácuvuotâ vaaigut tuu aargân.

Vádulijtoorjâ páárnán

Vuálá 16-ihásâš pärni puáhtá finniđ vádulijtorjuu, jis

  • sust lii tuáhtár tuođâštem váddu tâi kuhesáigásâš puácuvuotâ
  • suu tipšom lii vátávub já kyermejeijeb ko päärni, kiäst ij lah váddu tâi puácuvuotâ
  • váddu tâi puácuvuotâ pištá ucemustáá 6 mánuppaje.

Vuáđuvádulijtoorjâ lii suulân 109 eurod mánuppaajeest.

Aledum vádulâijtoorjâ lii suulân 254 eurod mánuppaajeest.

Alemus vádulijtoorjâ lii suulân 493 eurod mánuppaajeest.

Luuvâ lase vuálá 16-ihásii vádulijtorjuu ucâmist (suomâkielân).

Vádulijtoorjâ rävisulmui

Puávtáh finniđ vádulijtorjuu paijeel 16-ihásâžžân, jis

  • tust lii tuáhtár tuođâštem váddu tâi kuhesáigásâš puácuvuotâ
  • tuu naavcah piergiđ aargâst já huolâttiđ alnaad lii hiäjunâm ucemustáá oovtâ ive ääigi
  • váddu tâi puácuvuotâ toovvât tunjin hááitu tâi tarbâšah ton tiet iše tâi stivrim.

Vuáđuvádulijtoorjâ lii suulân 109 eurod mánuppaajeest.

Aledum vádulijtoorjâ lii suulân 254 eurod mánuppaajeest.

Alemus vádulijtoorjâ lii suulân 493 eurod mánuppaajeest.

Luuvâ lase rävisulmuu vádulijtorjuu ucâmist (suomâkielân).

Iäláttuvfinnejeijee tipšomtoorjâ

Iäláttuvâst puávtáh finniđ tipšomtorjuu, jis

  • tun lah olespiäiválii iäláttuvâst
  • tust lii tuáhtár tuođâštem váddu tâi kuhesáigásâš puácuvuotâ
  • tuu naavcah piergiđ aargâst já huolâttiđ alnaad lii hiäjunâm ucemustáá oovtâ ive ääigi
  • tarbâšah váádu tâi puácuvuođâ tiet iše tâi stivrim.

Vuáđutipšomtoorjâ lii suulân 83 eurod mánuppaajeest.

Aledum toorjâ lii suulân 182 eurod mánuppaajeest.

Alemus toorjâ lii suulân 384 eurod mánuppaajeest.

Veteraanlase lii suulân 126 eurod mánuppaajeest.

Luuvâ lase iäláttuvfinnejeijee tipšomtorjuu ucâmist (suomâkielân).

Vádulij ulmui tulkkumpalvâlusah

Jis tun tarbâšah tulkkum kulováádu, kulo-uáinuváádu tâi sárnumváádu tiet, puávtáh finniđ Kela peht tuulhâid aargâ tiilijd.

Tun koolgah vistig uuccâđ torjuu tulkkumpalvâlusân. Ton maŋa puávtáh jieš tiiláđ Kelast tuulhâ ovdâmerkkân uáppoid, pargoelimân tâi puđâldâssáid.

Luuvâ lase vádulij tulkkumpalvâlusâst (suomâkielân).

Luuvâ, ete maht tun uusah vuoigâdvuođâ kevttiđ vádulij tulkkumpalvâlus (suomâkielân).

Mon mielâst tun lah sijđoost?