Maht tun uážuh áigápuátutorjuu? | Anarâškielâ | KelaMoonâ siskáldâsân

Maht tun finniih vuáđuáigápuátutorjuu?

Uusâ vuáđuáigápuátutorjuu neetist.

Täärhist ucâmušâst, ete moh lahtoseh tast kalgeh leđe. Meiddei lahtosijd puáhtá toimâttiđ neetist.

Tun puávtáh uuccâđ torjuu meid luámáttuvváin, mon finnee Kela toimâttuvâin tâi nettisiijđoin.

Kela postâčujottâs lii

Kela
PL10
00056 KELA

Jis tun jieh pyevti uuccâđ vuáđuáigápuátutorjuu neetist tâi pááppárluámáttuvváin, te tun puávtáh uuccâđ tom meid njálmálávt. Suáiti talle Kelan tâi moonâ Kela toimâttâhân.

Mon kuhháá kieđâvuššâm pištá?

Mušte tevdiđ ucâmuš huolâlávt. Tooimât Kelan puoh lahtosijd, moh tarbâšuvvojeh ucâmušân. Tot jođálmit ucâmuš kieđâvuššâm.

Jis tuu ucâmušâst láá puoh tárbuliih tiäđuh, finniih Kelast miärádâs 7 argâpeeivi siste. Jis Kela árvuštâl oovtâst tuin, ete ucâmuš lii huápulâš, te tot kieđâvuššoo siämmáá tâi čuávuváá peeivi.

Luuvâ lase áigápuátutorjuu ucâmist (suomâkielân).

Kuás toorjâ máksoo?

Ko Kela lii kieđâvuššâm tuu ucâmuš, te tun finniih pááikán miärádâs. Miärádâsâst muštâleh torjuu mere, vuáđustâsâid já mäksimpeeivi. Tun finniih miärádâs meid talle, jis tunjin ij lah mieđettum toorjâ.

Kela máksá vuáđuáigápuátutorjuu tilisâd mánuppaje vuosmuu paŋkkipeeivi.

Jis tuu torjuu máksu ij kiergân merikoskâsii mäksimpiäiván, te Kela máksá torjuu miärádâstoohâm ohtâvuođâst. Talle ruuđah láá tuu tilist 2 paŋkkipeeivi keččin miärádâs tohâmist.

Kela puáhtá mäksiđ vuáđuáigápuátutorjust lááigu njuolgist láiguadeleijei, jis tun halijdah. Kela puáhtá meid mäksiđ tuu šleđgâreekkig tâi päikkitáhádâs njuolgist reekkigadeleijei, jis tun halijdah.

Ko tun lah finnim miärádâs vuáđuáigápuátutorjust, puávtáh toimâttiđ Kelan meiddei miärádâs maŋa puáttám rekigijd, moi máksupeivi lii tuu miärádâs vyeimistorroom ääigi. Máksupeivi uáivild algâalgâlii reekkig máksupeeivi, ij muštottâsreekkig máksupeeivi. Tuu finnim miärádâsâst muštâleh tärhibeht, ete maid rekigijd tun puávtáh toimâttiđ Kelan.

Máksučonnâsem

Uási tuu vuáđuáigápuátutorjust puáhtá adeliđ máksučonnâsmin. Máksučonnâsem puáhtá finniđ ovdâmerkkân čalmelaasâi várás.

Tun finniih máksučonnâsem miärádâs ohtâvuođâst. Máksučonnâsmist muštâleh, ete maid toin puáhtá mäksiđ käävpist.

Ko tunjin mieđettuvvoo vuáđuáigápuátutoorjâ, te tun finniih siämmást máksučonnâsem apteekân. Máksučonnâsmáin tun finniih tuu tarbâšem reeseepttalkkâsijd.

Kela vuolgât máksučonnâsem njuolgist apteekân viermi peht. Apteekist pijssáá, ete tun čááitáh tuu Kela-koortâ tâi persovntuođâštus.

Tarbâšâh-uv tun iše?

Tun puávtáh finniđ persovnlii palvâlem Kela palvâlemäššitobdest puhelimáin tâi toimâttuvâst. Tun puávtáh finniđ iše meid jieijâd pyereestvaijeemkuávlu sosiaalpalvâlusâin.

Lasseen Kela puáhtá porgâđ oovtâstpargo pyereestvaijeemkuávlu sosiaalpalvâlusâiguin. Kela já pyereestvaijeemkuávlu sosiaalpalvâlusah pyehtih teivâđ tuu meid oovtâst. Tun puávtáh meid táttuđ ohtsii teivâm.

Sijđo lii peividum 15.2.2024

Mon mielâst tun lah sijđoost?