Toorjâ puácuvuođáin eellim várás | Anarâškielâ | KelaMoonâ siskáldâsân

Toorjâ puácuvuođáin eellim várás

Vajodittem- já vuáhádumehárjuttâskuursah išedeh tuu eelliđ pyere eellim puácuvuođâst huolâhánnáá.

Jis tuu puácuvuotâ teikkâ váddu lii uáli jo väädis, tunjin puáhtá heiviđ vättee tálhudemvajodittem teikkâ maaŋgâáámmátlâš ovtâskâs ulmuu vajodittem

Vajodittem- já vuáhádumehárjuttâskuursah

Kela uárnee vajodittem- já vuáhádumehárjuttâskuursâid párnáid, nuoráid já rävisulmuid, kiäin lii puácuvuotâ teikkâ váddu. Kuursâin finniih tiäđu tuu puácuvuođâst, viärdásâštorjuu já torjuu aargâst piergiimân.

Luuvâ lase vajodittem- já vuáhádumejárjuttâskuursâin (suomâkielân).

Maaŋgâáámmátlâš ovtâskâs ulmuu vajodittem

Jis tuu puácuvuotâ vádásmit ennuv tuu eellim, tust puáhtá leđe vuoigâdvuotâ maaŋgâáámmátlâš ovtâskâs ulmuu vajoditmân. Maaŋgâáámmátlâš ovtâskâs ulmuu vajoditmist tun finniih iše maŋgâ äššitobdein.

Vajodittem ulmen lii išediđ tuu cevziđ aargâst, pargoost já uápuin. Uási vajoditmist puáhtá orniđ juávhust.

Vättee tálhudemvajodittem

Tun puávtáh uuccâđ vättee tálhudemvajodittem, jis puoh čuávuvâš iävtuh tievih:

  • Tun lah vuálá 65-ihásâš.
  • Tust láá puácuvuođâ teikkâ váádu tiet stuorrâ háástuh cevziđ aargâst.
  • Tust lii vajodittemvuávám, mii lii rahtum almolâš tiervâsvuođâhuolâttâsâst.

Vättee tálhudemvajodittem puáhtá leđe ovdâmerkkân

  • psykoterapia
  • fysioterapia
  • toimâmterapia
  • sárnumterapia.

Vajodittem puáhtá leđe ovtâskâs ulmuu terapia teikkâ juávkkuterapia. Terapia puáhtá finniđ häävild 1–3 ive.

Vättee tálhudemvajodittem puáhtá leđe meid vajodittem- teikkâ vuáhádumehárjuttâskurssâ teikkâ maaŋgâáámmátlâš ovtâskâs ulmuu vajodittem.

Luuvâ lase

Sijđo lii peividum 30.1.2024

Mon mielâst tun lah sijđoost?