Áigáiboahtu veajuiduhttima áigge | Davvisámegiella | KelaMana sisdollui

Áigáiboahtu veajuiduhttima áigge

Kela sáhttá doarjut du ekonomalaččat veajuiduhttima áigge. Dát doarjagat leat

  • veajuiduhttinruhta
  • nuora veajuiduhttinruhta
  • bajásdoallanbuhtadus. 

Veajuiduhttinruhta

Sáhtát oažžut veajuiduhttinruđa, dallego du veajuiduhttima ordne

  • Kela
  • buohcceviessu
  • sosiála- ja dearvvasvuođaguovddáš
  • bargodearvvasvuođafuolahus.

Jahkeboađut váikkuhit veajuiduhttinruđa mearrái. Jahkeboađut dárkkuhit boađuid 12 mánotbaji áiggis.

Jos dutnje mieđihuvvo veajuiduhttin ovdamearkan miessemánus 2024 ovddos guvlui, Kela máksá dutnje veajuiduhttinruđa daid boađuid mielde, maid leat ožžon 1.4.2023–31.3.2024.

Veajuiduhttinruhta lea álot uhcimustá 31,99 euro beaivvis elege sullii 800 euro mánotbajis. Veajuiduhttinruđas gessojuvvo vearru.

Jos du bargobeaivi oaniduvvo veajuiduhttimii oassálastima dihte, sáhtát oažžut oasseveajuiduhttinruđa.

Nuora veajuiduhttinruhta

Sáhtát oažžut nuora veajuiduhttinruđa, jos buot čuovvovaš eavttut ollašuvvet:

  • Leat 16–19-jahkásaš.
  • Buohcuvuohta dehe váddu hedjonahttá du bargonávcca dehe studerennávcca.
  • Dárbbašat erenomáš doarjaga veajuiduhttimii.
  • Dutnje lea ráhkaduvvon buresveadjinguovllus persovnnalaš studeren- ja veajuiduhttinplána (KHOPS).

Sáhtát oažžut nuora veajuiduhttinruđa, go studeret dehe go leat veajuiduhttimis, mii sikte bargoeallimii beassamii.

Bajásdoallanbuhtadus

Jos veajuiduhttimis bohtet lassigolut, sáhtát oažžut bajásdoallanbuhtadusa. Sáhtát oažžut bajásdoallanbuhtadusa dušše, jos oaččut buot uhcimus veajuiduhttinruđa.

Dábálaččat bajásdoallanbuhtadus máksojuvvo dalle, go du veajuiduhttin bistá dušše oanehis áigge.

Bajásdoallanbuhtadus lea 9 euro beaivvis. Bajásdoallanbuhtadusas ii gessojuvvo vearru.

Veajuiduhttindoarjja

Veajuiduhttindoarjja lea doarjja, man sáhttá oažžut Kela veajuiduhttima maŋŋá.

Veajuiduhttindoarjaga dárkkuhussan lea veahkehit du oažžut barggu. Sáhtát oažžut doarjaga, jos manat bargui veajuiduhttima maŋŋá ja oaččut olu uhcit bálkká go ovddit barggus.

Sáhtát oažžut veajuiduhttindoarjaga maiddái, jos manat bargohárjehallamii.

Veajuiduhttindoarjaga mearri lea eanemustá seammá veardde go veajuiduhttinruhta. Veajuiduhttindoarjagis gessojuvvo vearru.

Loga lasi

Siidu beaiváduvvon 13.12.2023

Maid jurddašat siiddu birra?