Eará doarjagat ealáhatoažžui

Kela sáhttá máksit ealáhatoažžui čuovvovaš doarjagiid:

• mánnábajádus
• ealáhatoažžu ássandoarjja
• ealáhaga oažžu dikšundoarjja
• soahtelassi ja badjelmearálaš soahtelassi
• vuođđoáigáiboahtindoarjja.

Dáin doarjagiin ii gessojuvvo vearru.

Mánnábajádus

Jos leat ealáhagas ja ásat vuollil 16-jahkásaš mánáin, sáhtát ohcat Kelas mánnábajádusa. Dan oažžu iežas ja beallelačča mánáin.

Mánnábajádus lea sulaid 26 euro mánotbajis máná nammii. Sáhtát oažžut mánnábajádusa maiddái dalle, jos mánnát ássá eará sajis. Don fertet goittotge fuolahit máná birgenlágis unnimustá ealihandoarjaga meari veardde elege sulaid 198 euro mánotbajis.

Sáhtát oažžut mánnábajádusa, vaikke it oččošii álbmotealáhaga. Maiddái eará ealáhagat sáhttet vuoigadahttit mánnábajadussii.

Loga lasi mánnábajádusa ohcamis (suomagillii).

Ealáhatoažžu ássandoarjja

Sáhtát oažžut Kelas ealáhatoažžu ássandoarjaga, jos dus leat uhca boađut ja oaččut ealáhaga, mii vuoigadahttá ealáhatoažžu ássandoarjagii.

Kela sáhttá máksit doarjaga maiddái láigoaddái.

Sáhtát ohcat ealáhatoažžu ássandoarjaga

• jos ásat okto
• jos ásat guovttá beallelaččain
• jos ásat máŋgga olbmon ja dii buohkat oažžubehtet ealáhaga, mii vuoigadahttá ealáhatoažžu ássandoarjagii.

Jos don ja du beallelaš guktot oažžubeahtti ealáhaga, mii vuoigadahttá ealáhatoažžu ássandoarjagii, ohcabeahtti ássandoarjaga oktasaš ohcamušain. Ássandoarjja máksojuvvo dudnuide beallái.

It sáhte oažžut ealáhatoažžu ássandoarjaga, jos oaččut dušše ovdamearkan oassebargonávccahisvuođaealáhaga dahje oassálas áraduvvon boarisvuođaealáhaga.

Sáhtát jearrat ealáhatoažžu ássandoarjagis bálvalannummiris 020 692 202.

Jos it sáhte oažžut ealáhatoažžu ássandoarjaga, čielggat, sáhtátgo oažžut almmolaš ássandoarjaga. Almmolaš ássandoarjagis sáhtát jearrat bálvalannummiris 020 692 210.

Loga lasi ealáhatoažžu ássandoarjaga ohcamis (suomagillii).

Ealáhaga oažžu dikšundoarjja

Jos du doaibmannávccat leat hedjonan buohcuvuođa dahje lámisvuođa dihte, sáhtát oažžut Kelas dikšundoarjaga. Dainna buhttejuvvojit golut, mat šaddet buohcuvuođas dahje lihkadanváttus.

Sáhtát oažžut dikšundoarjaga, jos du návccat fuolahit alddát leat hedjonan jagi áigge. Dat oaivvilda, ahte dárbbašat divššu dahje veahki iežat beaivválaš doaimmain.

Dikšundoarjja máksojuvvo sierra meriid veahkkedárbbu ja goluid mielde:

• Vuođđodikšundoarjja lea sulaid 85 euro mánotbajis.
• Bajiduvvon dikšundoarjja lea sulaid 184 euro mánotbajis.
• Bajimus dikšundoarjja lea sulaid 390 euro mánotbajis.

Sáhtát oažžut dikšundoarjagii veteránalasi, jos oaččut badjelmearálaš soahtelasi ja ealáhatoažžu bajiduvvon dahje bajimus dikšundoarjaga. Veteránalassi lea sullii 128 euro mánotbajis.

Du boađut dahje opmodat eai váikkut dikšundoarjaga oažžumii.

Dikšundoarjja mieđihuvvo juogo doaisttážii dahje mearreáigái.

It sáhte oažžut ealáhatoažžu dikšundoarjaga, jos oaččut oassebargonávccahisvuođaealáhaga dahje oassálas áraduvvon boarisvuođaealáhaga. Dan sajis sáhtát ohcat Kelas doaibmaváttogiiddoarjaga.

Loga lasi ealáhaga oažžu dikšundoarjaga ohcamis (suomagillii).

Soahtelassi ja badjelmearálaš soahtelassi

Oaččut Kelas soahtelasi, jos dus lea juoga čuovvovaš dovddaldagain:

• soahtesoalddátdovddaldat
• soahtebálvalandovddaldat
• soahtedovddaldat.

Dovddaldagaid ii sáhte šat ohcat.

Soahtelasi ožžot maiddái olbmot, geat leat oassálastán miinnaohcandoaimmaide jagiin 1945–1952.

Soahtelassi lea sulaid 203 euro mánotbajis. Du boađut ja opmodat eai váikkut soahtelassái.

Jos oaččut soahtelasi ja álbmotealáhaga, de oaččut Kelas maiddái badjelmearálaš soahtelasi. Stuorimus badjelmearálaš soahtelassi lea sulaid 305 euro mánotbajis.