Fitnodatolbmo bargoboađut | Davvisámegiella | KelaMana sisdollui

Fitnodatolbmo bargoboađut

Fitnodatolmmožin don fertet ieš árvvoštallat, mii lea du barggu árvu ruhtan. Dárbbašat dán árvvoštallama elege bargoboađu du ealáhatodjui, danin go bargoboađut váikkuhit du ealáhaga mearrái. Bargoboađut váikkuhit maiddái dasa, man olu sáhtát oažžut Kelas doarjagiid, jos ovdamearkan oaččot máná dahje buohccát. Du bargoboađuid vuođul Kela mearrida, leago dus vuoigatvuohta oažžut doarjaga, jos du bargu nohká.

Lassidieđut bargoboađus gávdnojit työeläke.fi-siidduin (suomagillii).

Gos Kela oažžu dieđu du bargoboađuin?

Don it dábálaččat dárbbaš almmuhit boađuid Kelai. Kela oažžu dieđu bargoboađus njuolgga bargoealáhatlágádusas, nu ahte reahkká, go almmuhat bargoboađu dohko.

Dus sáhttet leat maiddái bálkáboađut, maid leat ožžon eará sajis go iežat fitnodagas. Bálkáboađuid dieđuid Kela oažžu boahtoregistaris.

Jos mii dárbbašit lasi dieđuid du boađuid birra, bivdit dieđu dus.

Jos oaččut eará boađuid fitnodagastat

Muhtin doarjjaohcamušaide Kela dárbbaša dieđuid earáge boađuin go bargo- ja bálkáboađuin. Ovdamearkan áigáiboahtindoarjaga ohcamušas galgá almmuhit fitnodatdoaimma buot boađuid.

Jos ozat Kelas doarjaga, loga ohcamušskovi dárkilit. Das muitaluvvo, maid boađuid don galggat almmuhit Kela.

Loga lasi

Siidu beaiváduvvon 2.1.2024

Maid jurddašat siiddu birra?