Jos bálkáhat bargi | Davvisámegiella | KelaMana sisdollui

Jos bálkáhat bargi

Jos leat fitnodatolmmoš ja bálkáhat bargi, dus boahtá bargoaddi.

Bargoaddin don galggat dikšut máŋggaid áššiid, mat laktásit Kela doarjagiidda ja buhtadusaide.

Bargoaddi ferte

  • almmuhit bargiid bálkkáid boahtoregistarii
  • máksit bargiin buohcooadjomávssuid
  • ordnet bargiide bargodearvvasvuođafuolahusa.

Muhtin diliin bargoaddi sáhttá oažžut Kelas beaiveruđa.

Sáhtát dikšut bargoaddi Kela-áššiid ovdamearkan telefovnnas ja bargoaddái dárkkuhuvvon neahttabálvalusain. Jos du fitnodagas lea rehketdoallodoaimmahat, sáhtát maiddái soahpat, ahte dat dikšu du fitnodaga Kela-áššiid.

Almmut bálkkáid boahtoregistarii

Bargoaddi galgá almmuhit bargiid bálkkáid boahtoregistarii. Almmut bargiid bálkkáid boahtoregistarii 5 beaivve siste das, go leat máksán daid.

Kela oažžu boahtoregistaris dieđuid bargiid bálkkáin. Dáid dieđuid Kela dárbbaša dalle, go dat máksá bargiide doarjaga ovdamearkan buohcuvuođa áiggis.

Mávsse buohcooadjomávssuid

Bargoaddi ferte máksit bargiin buohcooadjomávssuid. Dán láhkai bargoaddi oassálastá Kela doarjagiid ruhtadeapmái.

Ordne iežat bargiide bargodearvvasvuođafuolahusa

Bargoaddin don galggat ordnet iežat bargiide bargodearvvasvuođafuolahusa.

Bargodearvvasvuođafuolahus lea guovttelágan, bákkolaš ja eaktodáhtolaš. Bargoaddi galgá lágidit eastadeaddji dearvvasvuođafuolahusa elege dakkár dearvvasvuođafuolahusa, mii eastada buohcuvuođaid ovddalgihtii. Dasa gullet ovdamearkan dearvvasvuođadárkkisteamit.

Lassin bargoaddi sáhttá ordnet bargiide vejolašvuođa fitnat bargodearvvasvuođadoaktáris, go sii buohccájit. Dan ordnen lea eaktodáhtolaš.

Kela buhtte iežas fitnodahkii oasi daid goluin, maid bargodearvvasvuođafuolahusa lágideapmi dagaha.

Kela sáhttá máksit beaiveruđa du fitnodahkii

Juos bargi ovdamearkan buohccá dahje oažžu máná ja lea danin eret barggus, fitnodat sáhttá oažžut beaiveruđa Kelas.

Jos mávssát bargái bálkká eret orruma áiggis, Kela sáhttá máksit bargi beaiveruđa du fitnodahkii. Jos bargi lea eret guhká, fitnodat ii šat dárbbaš máksit sutnje bálkká. Das maŋŋá Kela máksá beaiveruđa bargái.

Kela sáhttá máksit fitnodahkii ovdamearkan buohcanbeaiveruđa, vánhemiidruđa ja veajuiduhttinruđa.

Loga lasi

Siidu beaiváduvvon 7.9.2023

Maid jurddašat siiddu birra?