Gii lea fitnodatolmmoš? | Davvisámegiella | KelaMana sisdollui

Gii lea fitnodatolmmoš?

Fitnodatolmmoš bargá barggu iežas fitnodagas. Fitnodatolmmoš sáhttá leat maiddái iehčanas ámmátbargi, guhte vuovdá iežas máhtu.

Fitnodatolbmos ii leat bargoaddi, nugo bargis lea.

Deháleamos erohus fitnodatolbmo ja bargi gaskkas lea ealáhatoadju. Fitnodatolmmoš ferte váldit ealáhatoaju ieš, muhto bargi  ealáhatoajus fuolaha bargoaddi.

Fitnodatolbmot leat máŋggaláganat

Fitnodatolbmos sáhttá leat ovdamearkan gávpi dahje restoráŋŋa. Fitnodatolmmoš sáhttá vuovdit maiddái bálvalusa, ovdamearkan čorgema, tulkoma dahje remonterema. Maiddái eanadoallofitnodatolbmot elege eanabargit, guolásteaddjit, badjealbmát ja vuovdeeaiggádat sáhttet leat fitnodatolbmot.

Fitnodatolmmoš sáhttá leat ollesáigásaš dahje siidodoaibmasaš. Ollesáigásaš fitnodatolbmos ii leat eará bargosadji go iežas fitnodat. Siidodoaibmasaš fitnodatolmmoš bargá maiddái eará barggu dahje studere.

Fitnodatolmmoš gohčoduvvo geahppafitnodatolmmožin, jos son bargá bargguid rehketbálvalusa bokte. Rehketbálvalusat leat ovdamearkan Ukko.fi ja OP Kevytyrittäjä.

Freelancer lea fitnodatolmmoš, guhte bargá bargguid máŋgga doaibmagohččosa addái. Freelancerat leat dávjá ovdamearkan doaimmaheaddjit dahje neavttárat.

Fitnodatolbmos ferte leat ealáhatoadju

Jos leat fitnodatolmmoš ja oaččut barggustat doarvái olu boađut, don fertet váldit ealáhatoaju. Ealáhatoadju váikkuha ovdamearkan dutnje máksojuvvon ealáhahkii ja Kela doarjagiidda.

Fitnodatolbmo ealáhatoajut leat guokte earálágana:

  • fitnodatolbmo ealáhatoadju elege YEL
  • eanadoallofitnodatolbmo ealáhatoadju elege MYEL.

MYEL-oadju lea dárkkuhuvvon erenomážit eanadoallofitnodatolbmuide, geain lea bealdu, šaddogárdi dahje vuovdi. Maiddái dutkit, dáiddárat ja eará veahkkeruđa oažžut váldet MYEL-oaju. YEL-oadju lea dárkkuhuvvon buot eará fitnodatolbmuide.

Maiddái siidodoaibmasaš fitnodatolmmoš, geahppafitnodatolmmoš ja freelancer ferte váldit ealáhatoaju, jos son oažžu barggus doarvái olu boađuid.

  • YEL-oaju ferte váldit, jos du YEL-bargoboađut leat badjel 9 010,28 euro jagis.
  • MYEL-oaju ferte váldit, jos du MYEL-bargoboađut leat badjel 4 505,14 euro jagis.

Oaččut ealáhatoaju iežat bargoealáhatlágádusas. Sáhtát čielggadit iežat bargoealáhatlágádusa

Loga lasi

Siidu beaiváduvvon 12.9.2023

Maid jurddašat siiddu birra?