Mat boađut váikkuhit áigáiboahtindoarjagii? | Davvisámegiella | KelaMana sisdollui

Mat boađut váikkuhit áigáiboahtindoarjagii?

Vuođđoáigáiboahtindoarjaga mearrái váikkuhit buot boađut ja várit, mat dus ja du bearrašis leat. Boađuide rehkenastojuvvojit maiddái doarjagat, maid don oaččut.

Vuođđoáigáiboahtindoarjja lea maŋimuš saji ekonomalaš doarjja. Dat dárkkuha dan, ahte galggat vuos ohcat eará doarjagiid, maidda dus lea vuoigatvuohta.

Eará doarjagat, maid Kela máksá, leat ovdamearkan

  • bargguhisvuođadorvu
  • ássama doarjagat
  • ealáhagat
  • oahppodoarjja
  • buohcuvuođabeaiveruhta
  • vánhemiidbeaiveruhta
  • mánáidruhta
  • ruoktodikšodoarjja
  • ealihandoarjja.

Go áigáiboahtindoarjagis mearriduvvo, boađut váldojit vuhtii nettomearis nappo vearuid maŋŋá.

Oahpásnuva dasa, mo eará doarjagat váikkuhit áigáiboahtindoarjagii.

Lea buorre muitit, ahte áigáiboahtindoarjagii váikkuhit maiddái várit, mat dus leat geavahanláhkái. Várit dárkkuhit ovdamearkan báŋkokonttu seasttuid dahje dakkár opmodaga, man sáhtát vuovdit.

Siidu beaiváduvvon 15.2.2024

Maid jurddašat siiddu birra?