Eʹjjpeiʹvv serdd Kela kääzzkõõzzi da määusai äiʹǧǧtaaulid

Eʹjjpeeiʹvi pââʹzz poʹhtte muttsid Kela äʹššneǩ-kääzzkõõzz äävaiåårramaaiʹjid di ouddõõzzi ooccmõõžž da mähssmõõžž äiʹǧǧtaaulid. Âlddsin puk Kela-aaʹššid vuäitt håiddad MuuKelast.

Eʹjjpeiʹvv ääiʹjad reâuǥteʹmesvuõttääiʹj iʹlmmtempeeiʹvid da reâuǥteʹmesvuõtt-tuärjjõõzz mäʹhssempeeiʹvid. Njuhččmannu piʹrǧǧeemtuärjjõs puätt baŋkktiʹlle ooudbeäʹlnn eʹjjpeeiʹv, jos ooccmõš da meâlddõõzz liâ tååimtum mââimõssân 20.3.2026. Strääšnaineljdpeeiʹv Kela kääzzkâstt äʹššniiʹǩǩid čiâss 13 räjja, da piʹrǧǧeemtuärjjõõzz peiʹvvrõõttmõš lij äävai čiâss 16 räjja.

Reâuǥteʹmesvuõttpeeiʹvi iʹlmmtummuš da mäʹhssempeeiʹv mottje

Eʹjjpeiʹvv ääiʹjad reâuǥteʹmesvuõttääiʹj iʹlmmtempeeiʹvid da reâuǥteʹmesvuõtt-tuärjjõõzz mäʹhssempeeiʹvid. MuuKelast leʹbe iʹlmmtemlomaakkâst vuäitak taʹrǩsted peeiʹv, kuäʹss vuäitak kueʹđđed jiijjad iʹlmmtõõzz.

Jõs reâuǥteʹmesvuõttääiʹj iʹlmmtõõzz pââʹjj poott 31.3.–1.4.2026 

• iʹlmmtõõzz vuäitt maaccted 31.3.2026.
• tieʹǧǧ liâ tiil âʹlnn ääiʹjmõsân 2.4.2026

Jõs reâuǥteʹmesvuõttääiʹj iʹlmmtõõzz pââʹjj poott 2.4.2026

• iʹlmmtõõzz vuäitt maaccted 1.4.2026 
• tieʹǧǧ liâ tiil âʹlnn ääiʹjmõsân 7.4.2026

Jõs reâuǥteʹmesvuõttääiʹj iʹlmmtõõzz pââʹjj poott 3.–5.4.2026

• iʹlmmtõõzz vuäitt maaccted 2.4.2026 
• tieʹǧǧ liâ tiil âʹlnn ääiʹjmõssân 8.4.2026.

Iʹlmmtõõzz kaʹnnat tuejjeed MuuKelast juʹn maacctempeeiʹv tueʹlää, što tõn õõstât ǩiõttʼtõõllâd sõõrǥmõõzz mieʹldd.

Eʹjjpeeiʹv vaaiktõs piʹrǧǧeemtuärjjõõzz ooccma

Njuhččmannu piʹrǧǧeemtuärjjõõzzi mââimõs mäʹhssempeiʹvv ouddâl eʹjjpeeiʹv lij neljdpeeiʹv 2.4.2026. Tuärjjõs ǩiõrggan kâʹl baŋkktiʹlle, jos ooccmõš da puk taarbšum meâlddõõzz liâ tååimtum Kelaaʹje mââimõssân 20.3.2026.

Strääšnaineljdpeeiʹv Kelast lij ǩirrsallaš piʹrǧǧeemtuärjjõõzz taarbšeeʹjid peiʹvvrõõttmõš teʹlfoonkääzzkõõzzâst da måttmin kääzzkõspaaiʹǩin čiâss 16 räjja. Ǩirrsallaš äʹšš vuäitt leeʹd ouddmiârkkân tõt, što äʹššneǩ taarbaš akuuttân mähssčõnnõõttmõõžž talkksi leʹbe porrmõõžži vääras.

Kela äävaiåårramaaiʹji åålǥbeäʹlnn ǩirrsallaš vuõʹjjin vuäitt leeʹd õhttvuõđâst pueʹrrvââjjamvuuʹd sosiaalkääzzkõʹsse, kååʹtt vuäitt tuʹmmjõõzzâs mieʹldd miõttâd cõggi piʹrǧǧeemtuärjjõõzz. Krootai šõddâm kriisvueʹjjest eʹjjpeiʹvvpõõʹzzi poodd vuäitt leeʹd õhttvuõđâst pueʹrrvââjjamvuuʹd sosiaalpeiʹvvrõõttmõʹšše. Õhttvuõđteâđaid vuäitak taʹrǩsted Suomi.fi-kääzzkõõzzâst ooʒʒeeʹl sosiaali- ja kriisipäivystys addrõõzzâst www.suomi.fi/kartta (läädddas).

Äʹššneǩ-kääzzkõõzz eʹjjpeiʹvvpõõʹzzi äävaiåårramääiʹj

Strääšnaineljdpeeiʹv 2.4.2026 MuuKela chaʹtt-äʹššneǩ-kääzzkõs vuäʹppast čiâss 12–13. Ougglõskääzzkõs lij äävai čiâss 9–13. Teʹlfonkääzzkõs kääzzkâstt čiâss 9–13, leša piʹrǧǧeemtuärjjõõzz kääzzkõsnââmra 020 692 207 vuäitt ǩirrsallaš vuõʹjjin såittad čiâss 16 räjja. Kela kääzzkõsnââmar käunnʼje addrõõzzâst www.kela.fi/soita-kelaan (lääddas).

Kela sääʹmǩiõllsaž teʹlfoonkääzzkõs lij ǩidd strääšnaineljdpeeiʹv 2.4. Kueʹđ õhttvuõđväʹlddemraukkmõõžž addrõʹsse saame@kela.fi, jõs taarbšak kääzzkõõzz sääʹmǩiõʹlle.

Strääšnaineljdpeiʹvv vaaikat še äävai åårrai kääzzkõspaaiʹǩi äävaiåårrma. Äävai åårrai kääzzkõspääiʹǩ mâʹnne ǩidd mââimõõzzâst čiâss 13, leša måtam pääiʹǩ peiʹvvrâʹtte ǩirrsallaš piʹrǧǧeemtuärjjõõzz taarbšeeʹjid čiâss 16 räjja.

Ǩirrsallaž piʹrǧǧeemtuärjjõõzz diõtt peiʹvvrâʹtte täk kääzzkõspääiʹǩ:

• Heʹlssen/Kamppi
• Joensuu
• Jyväskylä
• Kuopio
• Lahti
• Lappeenranta
• Oulu
• Ruäʹvnjargg
• Tampere
• Turku

Puki kääzzkõspaaiʹǩi äävaiåårramaaiʹjid da addrõõzzid vuäitak taʹrǩsted addrõõzzâst www.kela.fi/palvelupisteet (lääddas).

Lääʹmes oummui tuʹlǩǩõskääzzkõs lij neljdpeiʹvven äävai čiâss 7.30–15 da ougglõskääzzkõs 9–13. Lääʹmes oummui tuʹlǩǩõskääzzkõõzz õhttvuõđteâđ käunnʼje addrõõzzâst www.kela.fi/vammaisten-tulkkauspalvelu-yhteystiedot (lääddas). 

Kela teʹlfonkääzzkõs, MuuKela chaʹtt-äʹššneǩ-kääzzkõs, ougglõskääzzkõs da kääzzkõspääiʹǩ liâ ǩidd

• strääšnaipiâtncen 3.4.2026
• sueʹnnsueʹvten 4.4.2026
• 1. eʹjjpeiʹvven 5.4.2026
• 2. eʹjjpeiʹvven leʹbe jieʹnnpeiʹvven 6.4.2026.

Kela persoonäʹššniiʹǩǩid jurddum äʹššeemkääzzkõõzzâst leʹbe MuuKelast vuäitt ooccâd ouddõõzzid, vuõltteed meâlddõõzzid da iʹlmmted muttsin juõʹǩǩ peeiʹv, kuäʹss tättas suutk poodd. OmaKelast vuäitt še taʹrǩsted jiijjâs ooccmõõžž vueʹjj da ouddõõzzi mäʹhssempeeiʹv. MuuKelaaʹje ǩeeʹrjtõõđât neʹttbaŋkktiõttivuiʹm leʹbe mobiilstaanõõǥǥin.

Kela chaʹttrobott vuäʹppast tuärjjõõzzi ooccmõõžžâst pirr suutk addrõõzzâst www.kela.fi da MuuKelast.

Eʹjjpeiʹvvpõõzzi čårstõkääiʹj õhttsažtuâjjkuõiʹmid

Strääšnaineljdpeiʹvven 2.4.2026 Kela kääzzkõsnââmar õhttsažtuâjjkuõiʹmid mâʹnne ǩidd mââimõõzzâst čiâss 13. Ǩirrsallaž piʹrǧǧeemtuärjjõõzz äʹššneǩvuõʹjjin kuõiʹmid kääzzkââʹstet čiâss 16 räjja. Dåhttarlinjj lij ǩidd strääšnaineljdpeiʹvven 2.4. da eʹjjpeeiʹv mâʹŋŋlab mââibarggân 7.4.

Puk kääzzkõsnââmar kuõiʹmid liâ ǩidd 3.–6.4.2026. Kuõiʹmi kääzzkõsnââmar da äʹššeemkääzzkõõzz käunnʼje addrõõzzâst www.kela.fi/yhteistyokumppanit-asiakaspalvelu (lääddas).