Mõõk puåtti vaaikte piʹrǧǧeemtuärjjõʹsse? | Nuõrttsääʹmǩiõll | KelaSirddu siiskõʹsse

Mõõk puåtti vaaikte piʹrǧǧeemtuärjjõʹsse?

Vuâđđpiʹrǧǧeemtuärjjõõzz meärra vaaikte puk puåtti da väär, kook tuʹst da piârrjastad lie. Puåttjid laʹsǩǩeet še tuärjjõõzzid, koid vuäǯǯak.

Vuâđđpiʹrǧǧeemtuärjjõs lij mââimõs-sâjjsaž tällõõzzlaž tuärjjõs. Tõt miârkkšââvv, što ton õõlǥak vuõššân ooccâd jeeʹres tuärjjõõzzid, koid tuʹst lij vuõiggâdvuõtt.

Kela mäʹhssem jeeʹres tuärjjõõzz lie ouddmiârkkân

  • reâuǥteʹmesvuõttstaan
  • jälstemtuärjjõõzz
  • jeältõõǥǥ
  • mätt-tuärjjõs
  • puõʒʒâlmpeiʹvvteäʹǧǧ
  • puärrsipeiʹvvteäʹǧǧ
  • päärnažlââʹss
  • dommhååid tuärjjõs
  • jeäʹltemtuärjjõs.

Ko piʹrǧǧeemtuärjjõõzzâst tuʹmmeet, puåttjid vääʹldet lokku nettomeärrsiʹžžen leʹbe piiđi mâŋŋa.

Tobddõõđ tõzz, mäʹhtt jeeres tuärjjõõzz vaaikte piʹrǧǧeemtuärjjõʹsse.

Lij šiõǥǥ muʹštted, što piʹrǧǧeemtuärjjõʹsse vaaikte še väär, kook tuʹst lie ââʹnnemnalla. Vääraivuiʹm juuʹrdet ouddmiârkkân tieʹǧǧid, kook lie šiâšttum baŋkktiil õõl, leʹbe nåkam jällmõõžž, koon vuäitak kaaupšed.

Seidd peeiʹvtum 16.2.2024

Mõõnn miõl leäk seeidast?