Tiânâspeiʹvvteäʹǧǧ

Vuäitak vuäǯǯad tiânâspeiʹvvtieʹǧǧ, jõs leäk reâuǥteʹmesvuõttkääʹšnest. Reâuǥteʹmesvuõttkäʹšnn laʹsǩǩad tiânâspeiʹvvtieʹǧǧ meäʹr tiânnsi leʹbe puåttji mieʹldd. Ouddmiârkkân jeeʹres ämmatsuõʹrjin lie täujja jiijjâz reâuǥteʹmesvuõttkääʹšn. Lie še reâuǥteʹmesvuõttkääʹšn, koid ǩii täättas vuäitt kuullâd.

Kela ij määuʹs tiânâspeiʹvvtieʹǧǧ, ij-ǥa tõn vueiʹt ooccâd Kelast.

Reâuǥteʹmesvuõttkäʹšnn mähss tiânâspeiʹvvtieʹǧǧ, jõs leäk kuullâm reâuǥteʹmesvuõttkäšnna nokk kuuʹǩǩ da teâudak reâuǥaståårram-määin. Reâuǥaståårram-määin teâuddmõš miârkkšââvv, što leäk leämmaž nokk kuuʹǩǩ reâuǥast ouddâl reâuǥteʹmmen pääccmõõžž.

Tiânâspeiʹvvtieʹǧǧ vuäitt vuäǯǯad jäänmõsân 400 peiʹvved. Jõs leäk leämmaž reâuǥast vuâlla 3 eeʹjj, vuäitak vuäǯǯad tiânâspeiʹvvtieʹǧǧ jäänmõsân 300 peiʹvved.

Kõõjj lââʹssteâđaid tiânâspeiʹvvtieʹǧǧest jiijjad tuâjteʹmesvuõttkääʹšnest leʹbe Tuâjteʹmesvuõttkaaʹšni õhttsažorganisaatiost (Työttömyyskassojen yhteisjärjestö, tyj.fi, lääddas).

Tuâjaståårram-mäinn

Što vuäǯǯak tiânâspeiʹvvtieʹǧǧ, tuʹst âlgg teâuddjed tuâjaståårram-mäinn.

Tääʹrǩest jiijjad tuâjteʹmesvuõttkääʹšnest, teâuddai-a tuâjaståårram-määin.

Põõrǥâsneeʹǩǩest lij jiijjâs tuâjaståårram-mäinn. Jõs leäk põrggi, tääʹrǩest jiijjad tuâjteʹmesvuõttkääʹšnest, teâuddai-a põrggi tuâjaståårram-mäinn.