Buohcuvuođabeaiveruhta, veajuiduhttin vai ealáhat? | Davvisámegiella | KelaMana sisdollui

Buohcuvuođabeaiveruhta, veajuiduhttin vai ealáhat?

Jos buohcuvuohta bistá guhká, sáhtát oažžut doarjaga veajuiduhttimii.

Go leat ožžon buohcuvuođabeaiveruđa 60, 150 ja 230 árgabeaivvi, Kela čielggada, sáhtášiigo veajuiduhttimis leat ávki du bargonávccaid buorideamis.

Jos vásihat, ahte dárbbašat veajuiduhttima, ságastala áššis iežat doaktáriin dahje váldde oktavuođa Kelai.

Bargonávccahisvuođaealáhat

Buohcuvuođabeaiveruhta máksojuvvo dábálaččat eanemustá 300 árgabeaivve.

Jos bargonávccahisvuohta, mii lea šaddan buohcuvuođas dahje doaibmaváttu geažil, joatkašuvvá, itge sáhte oažžut buohcuvuođabeaiveruđa, sáhtát ohcat bargonávccahisvuođaealáhaga. Dan sáhttá máksit bargoealáhatlágádus, Kela dahje guktot. Kela máksá bargonávccahisvuođaealáhaga, jos it leat leamaš barggus dahje jos bargoealáhatlágádusa ealáhat lea oalle unni.

Dasa, sáhtátgo oažžut bargonávccahisvuođaealáhaga, váikkuha

  • mii buohcuvuođaid dahje doaibmaváddu dus lea
  • man boaris don leat
  • man barggu leat bargan
  • makkár skuvlejupmi dus lea.

Jos it sáhte máhccat bargui itge oaččo ealáhaga, almmut iežat bargo- ja ealáhusdoaimmahahkii dahje BE-doaimmahahkii bargguhis bargguohccin. Almmut maŋimustá čuovvovaš beaivve buohcuvuođabeaiveruđa nohkama maŋŋá. Ná sáhtát oažžut bargguhisvuođabeaiveruđa dan bottas, go vuorddát mearrádusa bargonávccahisvuođaealáhagas.

Jos leat bargguhisvuođakássa lahttu, oza dietnasii čadnon beaiveruđa iežat bargguhisvuođakássas.

Siidu beaiváduvvon 15.2.2024

Maid jurddašat siiddu birra?