Piʹrǧǧeemtuärjjõs
Tän vueʹzzest peäggtet vuâđđpiʹrǧǧeemtuärjjõõzzâst. Vuäitak vuäǯǯad tõn Kelast, jõs tuu puåtti, väär da jeeʹres tuärjjõõzz jie riʹjtte vieʹltʼteʹmes aarǥ koolääd, mâʹte porrmõʹšše da jälstummša.
Ooʒʒ vuõššân Kela jeeʹres tuärjjõõzzid
Tääʹrǩest ouddâl piʹrǧǧeemtuärjjõõzz ooccâm, vuäitak-a vuäǯǯad koid-ne Kela jeeʹres tuärjjõõzzid, mâʹte jälstemtuärjjõõzz leʹbe reâuǥteʹmesvuõtt-tuärjjõõzz. Kela jeeʹres tuärjjõõzz liâ čiõlǥtum tõi jiijjâs brosyyrin.
Piʹrǧǧeemtuärjjõs lij jurddum siʹjjid, kookk jie piʹrǧǧed paaʹlǩines, jeeʹres tuärjjõõzzi veäkka leʹbe jeeʹres puåttjin leʹbe vääraivuiʹm. Tõn diõtt ton õõlǥak ooccâd jeeʹres tuärjjõõzzid õuʹddel ǥu ooʒʒak piʹrǧǧeemtuärjjõõzz.
Vuäitak vuäǯǯad vieʹǩǩ še pueʹrrvââjjamvuuʹdest, koʹst jälstak. Pueʹrrvââjjamvuuʹd tuärjjõõzz lie ouddmiârkkân tiuddeei da õõudbeäʹlnn cõggi piʹrǧǧeemtuärjjõs. Vuäǯǯak tõin lââʹssteâđaid pueʹrrvââjjamvuuʹd neʹttseeidain.