Doarjja skuvlamátkkiide ja mállásiidda | Davvisámegiella | KelaMana sisdollui

Doarjja skuvlamátkkiide ja mállásiidda

Skuvlamátkedoarjja

Skuvlamátkedoarjagis leat sierra eavttut studeanttaide, geain lea vuoigatvuohta nuvttá skuvlejupmái, ja eará studeanttaide.

Skuvlamátkedoarjja studentii, geas lea vuoigatvuohta nuvttá skuvlejupmái

Sáhtát oažžut doarjaga beaivválaš skuvlamátkkiide, jos čađahat ovdamearkka dihte

  • logahatoahpuid dahke rávesolbmuid logahatoahpuid
  • ámmátlaš vuođđodutkosa
  • ámmátdutkosa
  • válbmejeaddji skuvlema, ovdamearkka dihte TUVA-skuvlema
  • oahppogeatnegasaide dárkkuhuvvon friddja čuvgehusbarggu skuvlema.

Geas lea vuoigatvuohta nuvttá skuvlejupmái?

Dus lea vuoigatvuohta nuvttá skuvlejupmái, jos deavddát čuovvovaš eavttuid:

  • Leat geargan vuođđoskuvllas jagi 2021 dahje dan maŋŋá.
  • Leat riegádan jagi 2004 dahje dan maŋŋá.

Sáhtát oažžut doarjaga, jos du skuvlamátki ovtta guvlui lea unnimustá 7 kilomehtera.

Jos dus leat unnimustá 15 mátkebeaivvi kaleanddarmánotbajis, sáhtát oažžut dievas skuvlamátkedoarjaga. Jos dus leat 10–14 mátkebeaivvi kaleanddarmánotbajis, sáhtát oažžut skuvlamátkedoarjaga, muhto doarjaga mearri lea bealli dievasmearálaš doarjagis.

Jos geavahat almmolaš johtolaga dahke skuvlasáhtu, it dábálaččat mávsse mátkkiin maidege.

Skuvlamátkedoarjja studentii, geas ii leat vuoigatvuohta nuvttá skuvlejupmái

Sáhtát oažžut doarjaga skuvlamátkkiide, jos čađahat ovdamearkka dihte

  • logahatoahpuid
  • ámmátlaš vuođđodutkosa
  • válbmejeaddji skuvlema, ovdamearkka dihte TUVA-skuvlema.

Sáhtát oažžut doarjaga, jos du skuvlamátki ovtta guvlui lea unnimustá 10 kilomehtera.

Juos dus leat unnimustá 15 mátkebeaivvi kaleanddarmánotbajis, sáhtát oažžut dievas skuvlamátkedoarjaga. Juos dus leat 10–14 mátkebeaivvi kaleanddarmánotbajis, sáhtát oažžut skuvlamátkedoarjaga, muhto doarjaga mearri lea bealli dievasmearálaš doarjagis.

Vai don sáhtášit oažžut dievasmearálaš doarjaga, eaktun lea mátkebeivviid lassin dat, ahte mátkkit mákset badjel 54 euro mánotbajis. Dalle mávssat dábálaččat mátkkiin ieš 43 euro mánotbajis.

Vai don sáhtášit oažžut beali dievasmearálaš doarjagis, eaktun lea mátkebeivviid lassin dat, ahte mátkkit mákset badjel 27 euro mánotbajis. Dalle mávssat dábálaččat mátkkiin ieš 21,50 euro mánotbajis.

Sáhtát oažžut skuvlamátkedoarjaga, vaikke du mátkkit mákset uhcit, jos geavahat man nu čuovvovaččain:

  • Waltti-johtolat, mii doaibmá máŋgga gávpogis
  • Helssega guovllu johtolat HSL
  • Tampere guovllu johtolat Nysse
  • Turku guovllu johtolat Föli
  • skuvlasáhttu
  • sáhttu, man leat ieš ordnen.

Oaččut lassidieđuid Waltti-johtolagas čujuhusas waltti.fi (suomagillii).

Skuvlasáhttu oaivvilda dan, ahte oahppolágádus dahje gielda ordne dutnje skuvlasáhtu dahje oastá dutnje mátkebileahtaid skuvlamátkkiide. Oaččut lassidieđuid skuvlasáhtus iežat oahppolágádusas.

Jos dus ii leat almmolaš johtolat dahje skuvlasáhttu geavahusas, sáhtát mátkkoštit skuvlii nu mo ieš válljet, ovdamearkka dihte iežat biillain dahje vánhema sáhtuin.

Sáhtát árvvoštallat rehkenastiin, man olu oaččut doarjaga (suomagillii).

Skuvlamátkedoarjaga ohcan

Oza skuvlamátkedoarjaga neahtas OmaKelas.

Du beales maiddái du fuolaheaddji sáhttá ohcat doarjaga OmaKelas.

Kela máksá doarjaga geavahuvvon mátkkoštanvuogi mielde njuolgga bileahttavuovdái, oahppolágádussii dahje dutnje.

Galggat ohcat skuvlamátkedoarjaga juohke oahppojahkái sierra.

Loga lasi skuvlamátkedoarjaga ohcamis (suomagillii).

Málesdoarjja

Allaskuvlastuđeanta sáhttá oažžut vuoládusa mállásiin restoráŋŋain, mat leat searvan málesdoarjagii.

Mávssat mállásis unnit supmi, go čájehat studeantakoartta dahje Kela málesdoarjjakoartta.

Restoráŋŋat, mat leat searvan málesdoarjagii (suomagillii).

Siidu beaiváduvvon 23.8.2023