Mo boađut váikkuhit oahppodoarjagii?
Dus sáhttet leat boađut seamma áigge, go loktet oahppodoarjaga. Ovtta jagi áigge dus ožžot leat boađut jahkeboahtorájá rádjai. Jahkeboahtorádjá mearrašuvvá dan mielde, galle mánotbaji nammii leat lokten doarjaga.
Sáhtát oažžut boađuid goas nu kaleanddarjagi áigge. Oahppodoarjja ja ássandoarjja eai rehkenastojuvvo boahtun.
Doarjjamánotbajit kaleanddarjagi áigge | Jahkeboahtorádjá, euro/kaleanddarjahki |
---|---|
1 | 35 360 |
2 | 33 280 |
3 | 31 200 |
4 | 29 120 |
5 | 27 040 |
6 | 24 960 |
7 | 22 880 |
8 | 20 800 |
9 | 18 720 |
10 | 16 640 |
11 | 14 560 |
12 | 12 480 |
Jos álggahat oahpuid dahje gearggat skuvllas gaskan jagi, sáhtát oažžut boađuid friddja ovdal oahpuid álggu ja nohkama maŋŋá. Čuovo goittotge boahtorájáid oahppománotbajiid áigge. Fuolat das, ahte du boađut stuđerenáiggis leat eanemustá 1 040 euro mánotbajis doarjjamánotbaji nammii ja 3 120 euro mánotbajis dakkár mánotbajis, goas it leat ožžon oahppodoarjaga.
Kela sáhttá bivdit du čilget, goas leat ožžon boađuid.
Jos du boađut mannet badjel jahkeboahtorájiid eanemustá 348 euroin (jagiin 2023 ja 2024), don it dárbbaš heaittihit dahje máhcat doarjaga dahje máksit dan ruovttoluotta.
Juos gaskkalduhtát oahpuid gaskan jagi, boađut váldojuvvojit vuhtii oppa jagis.
Loga lasi das, mo boađut váikkuhit du oahppodoarjagii (suomagillii).
Jos boađut mannet jahkeboahtorájá badjel
Galggat ieš fuolahit das, ahte boađut eai mana badjel jahkeboahtorájá. Jos boađut mannet badjel jahkeboahtorájá, de Kela bearrá ruovttoluotta liiggás máksojuvvon oahppodoarjaga. Berrojuvvon submái lasihuvvo 7,5 proseantta bajádus.
Jos fuomášat, ahte du boađut mannet badjel boahtorájá, de sáhtát bargat ná:
- Oza oahppodoarjaga dušše dihto oahppománotbajiide.
- Almmut Kelai, ahte it váldde oahppodoarjaga dihto mánotbajiin.
- Máhcat Kelai oahppodoarjaga iežat válljen mánotbajiin.
Máhcat badjelmearálaš oahppodoarjaga čuovvovaš jagi cuoŋománu loahpa rádjai.
Sáhtát ieš dárkkistit iežat boahtorájá ja dahkat nuppástusaid oahppodoarjagii neahtas.