Ássanlassi ja ássandoarjja | Davvisámegiella | KelaMana sisdollui

Ássandoarjja ja ássanlassi

Kela doarju studeanttaid ássama almmolaš ássandoarjagiin ja oahpporuđa ássanlasiin.

Almmolaš ássandoarjja

Suomas ássi studeanta sáhttá oažžut almmolaš ássandoarjaga. Almmolaš ássandoarjja ii ohccojuvvo oahppodoarjjaohcamušain, dan várás lea sierra ohcamuš. Borramušgácci lahtut ohcet ássandoarjaga ovttas.

Mii lea borramušgázzi?

Borramušgázzi dárkkuha olbmuid, geat ásset seamma visttis bissovaččat. Dábálaččat borramušgázzi lea náittospárra, rabaslihttopárra dahje bearaš. Maiddái okta olmmoš sáhttá leat borramušgázzi.

Borramušgázzái gullevaš olbmuid boađut váikkuhit ássandoarjaga mearrái. Boađut váikkuhit eará láhkái go oahppodoarjagis.

Oahppodoarjaga ássanlassi

Oahppodoarjaga ássanlasi sáhttet oažžut stuđerejeaddjit, geat stuđerejit olgoriikkain dahje Ålánddas. Sin ássanlassi lea 210 euro mánotbajis.

Ássanlasi sáhttet oažžut maiddái Suomas álbmotallaskuvlla ja valáštallanskuvlenguovddáža studeanttat, geaid oahput mákset ja geat ásset oahppolágádusa ásodagas. Ássanlassi lea sulaid 89 euro mánotbajis.

Sáhtát oažžut ássanlasi ja eará oahppodoarjaga dušše stuđerenmánotbajiin.

Ássanlasi oažžumis ii leat ahkerádji. Vánhemiid boađut eai váikkut ássanlassái.

Loga lasi

Siidu beaiváduvvon 21.6.2023