Ássandoarjja ja ássanlassi
Kela doarju studeanttaid ássama máksimiin ássanlasi. Oassi studeanttain sáhttá oažžut almmolaš ássandoarjaga.
Oahppodoarjaga ássanlassi
Sáhtát oažžut oahppodoarjaga ássanlasi, jos ásat láigolažžan dahje ássanvuoigatvuođavisttis. Lassin dus galgá leat vuoigatvuohta oahppodoarjagii.
Ássanlasi mearrái váikkuha láiggu mearri ja dat, man gielddas ásat. Gieldaguovdásaš eanemusmearit leat 216, 248 ja 296 euro mánotbajis.
Ássanlassi lea unnit, jus ásat váhnemiiddát oamastan visttis olgoriikkain dahje oahppolágádusa ásodagas.
Sáhtát oažžut ássanlasi ja eará oahppodoarjaga dušše studerenmánotbajiid áigge.
Ássanlasi oažžumis ii leat ahkerádji. Váhnemiid boađut eai váikkut ássanlassái.
Almmolaš ássandoarjja
Jos it sáhte oažžut oahppodoarjaga ássanlasi, du gánneha čielggadit, sáhtátgo oažžut almmolaš ássandoarjaga.
Sáhtát oažžut almmolaš ássandoarjaga ovdamearkan dáin diliin:
- Ásat ovttas iežat mánáin dahje beallalaččat mánáin.
- Oaččut muhtun doarjaga, man dihte it sáhte oažžut oahppodoarjaga.
- Leat gaskkalduhttán oahpuidat dahje golahan iežat oahppodoarjjamánotbajiid.
- Du oahput eai leat ovdánan doarvái ja Kela lea heaittihan du oahppodoarjaga.
Almmolaš ássandoarjagis boađut váikkuhit eará láhkai go oahppodoarjagis.