Doarjja skuvlamátkkiide ja borademiide | Davvisámegiella | KelaMana sisdollui

Doarjja skuvlamátkkiide ja borademiide

Skuvlamátkedoarjja

Skuvlamátkedoarjaga sáhttet oažžut dušše dat studeanttat, geain lea vuoigatvuohta nuvttá skuvlejupmái. Sáhtát jearrat iežat oahppolágádusas, leago dus riekti nuvttá skuvlejupmái.

Sáhtát oažžut doarjaga skuvlamátkkiide, jos čađahat ovdamearkka dihte

  • logahatoahpuid dahje rávesolbmuid logahatoahpuid
  • ámmátlaš vuođđodutkosa
  • ámmátdutkosa
  • válbmejeaddji skuvlema, ovdamearkka dihte TUVA-skuvlema
  • oahppogeatnegasaide dárkkuhuvvon friddja čuvgehusbarggu skuvlema.

Sáhtát oažžut doarjaga, jos du skuvlamátki ovtta guvlui lea unnimustá 7 kilomehtera.

Jos dus leat unnimustá 15 mátkebeaivvi kaleanddarmánotbajis, sáhtát oažžut dievas skuvlamátkedoarjaga.

Jos dus leat skuvlamátkkit 10–14 beaivve kaleandarmánotbajis, sáhtát oažžut beali dievas skuvlamátkedoarjagis.

Jos geavahat iežat skuvlamátkkiin almmolaš johtolaga dahje skuvlasáhtu, it dábálaččat mávsse mátkkiin maidege.

Skuvlasáhttu oaivvilda dan, ahte oahppolágádus dahje gielda ordne dutnje skuvlasáhtu dahje oastá dutnje mátkebileahtaid skuvlamátkkiide. Oaččut lassidieđuid skuvlasáhtus iežat oahppolágádusas.

Jos dus ii leat almmolaš johtolat dahje skuvlasáhttu geavahusas, sáhtát mátkkoštit skuvlii nu mo ieš válljet, ovdamearkka dihte iežat biillain dahje vánhema sáhtuin.

Sáhtát árvvoštallat rehkenastiin, man olu oaččut doarjaga (suomagillii).

Skuvlamátkedoarjaga ohcan

Oza skuvlamátkedoarjaga MuKelas. Du beales maiddái du fuolaheaddji sáhttá ohcat doarjaga MuKelas.

Kela máksá doarjaga geavahuvvon mátkkoštanvuogi mielde njuolgga bileahttavuovdái, oahppolágádussii dahje dutnje.

Galggat ohcat skuvlamátkedoarjaga juohke oahppojahkái sierra.

Loga lasi skuvlamátkedoarjaga ohcamis (suomagillii).

Boradandoarjja

Jos stuđeret allaskuvllas, sáhtát oažžut vuoládusa borademiin restoráŋŋain, mat leat fárus boradandoarjagis.

Mávssat mállásis unnit supmi, go čájehat stuđeantakoartta dahje Kela boradandoarjjakoartta.

Restoráŋŋat, mat leat searvan boradandoarjagii (suomagillii).

Siidu beaiváduvvon 28.4.2025