Puõʒʒâlmpeiʹvvteäʹǧǧ, säuʹrsmâttmõš avi jeältõk? | Nuõrttsääʹmǩiõll | KelaSirddu siiskõʹsse

Puõʒʒâlmpeiʹvvteäʹǧǧ, säursmâttmõš avi jeältõk?

Jõs puõʒʒlmad peštt kuuʹǩǩ, vuäitak vuäǯǯad tuärjjõõzz säursmummša.

Ǥu leäk vuäǯǯam puõʒʒâlmpeiʹvvtieʹǧǧ 60, 150 da 230 arggpeiʹvved, Kela seeʹlvat, vuäitči-a säursmâttmõš vieʹǩǩted tuu reâuggpâstlvažvuõđ pueʹrummšest.

Jõs tuʹst kollai, što taarbšak säursmâttmõõžž, maainâst ääʹšš pirr dåhttrinad leʹbe vääʹld õhttvuõđ Kelaaʹje.

Reâuggpââʹstʼteʹmesvuõttjeältõk

Puõʒʒâlmpeiʹvvtieʹǧǧ määuʹset takainalla jäänmõsân 300 arggpeiʹvved leʹbe nuʹt õõut eeʹjj ääiʹj.

Jõs reâuggpââʹstʼteʹmesvuõtt, kååʹtt lij šõddâm puõʒlmad leʹbe vââǥǥad diõtt, juätkkai jiõk-ǥa vueiʹt vuäǯǯad puõʒʒâlmpeiʹvvtieʹǧǧ, vuäitak ooccâd reâuggpââʹstʼteʹmesvuõttjeältõõǥǥ. Tõn vueiʹtte mäʹhssed reâuggjeältõkstrooiʹtel, Kela leʹbe kuhttu. Kela mähss reâuggpââʹstʼteʹmesvuõttjeältõõǥǥ, jõs jiõk leäkku leämmaž reâuggjieʹllmest leʹbe jõs reâuggjeältõkstroiʹttel mäʹhssem jeältõk pääcc uʹccen.

Reâuggpââʹstʼteʹmesvuõttjeältõõǥǥ vuäǯǯma vaaikat

  • måkam puõʒʒâlm leʹbe vââʹǩǩ tuʹst lij
  • mõõn âkksaž leäk
  • måkam tuâj leäk tuejjääm
  • måkam škooultõs tuʹst lij.

Jõs jiõk pââʹst mäʹcced tuõjju jiõk-ǥa vuäǯǯ jeältõõǥǥ, iʹlmmtõõđ tuâjj- da jieʹllemvueʹǩǩ-konttra leʹbe TJ-konttra reâuǥteʹmes reâuggooccjen. Iʹlmmtõõđ mââimõõzzâst pueʹtti peeiʹv puõʒʒâlmpeiʹvvtieʹǧǧ puuttmest. Nääiʹt vuäitak vuäǯǯad reâuǥteʹmesvuõttääiʹj peiʹvvtieʹǧǧ, ǥu vuârdak tuʹmmstõõǥǥ reâuggpââʹstʼteʹmesvuõttjeältõõǥǥstad.

Jõs leäk reâuǥteʹmesvuõttkääʹšn vuäzzlaž, ooʒʒ tiânâspeiʹvvtieʹǧǧ jiijjad reâuǥteʹmesvuõttkääʹšnest.

Seidd peeiʹvtum 16.2.2024

Mõõnn miõl leäk seeidast?