Kela.fi-siiddut ođasnuvvet | Davvisámegiella | KelaMana sisdollui

Kela.fi ođasnuvai

Kela.fi-siiddut leat ođasnuvvan. Ođđa siidduid ulbmilin lea buoridit áššiiddikšunvásáhusa ja doarjut áššiid dikšuma neahtas. Dan mielde kela.fi:s sáhttit ollašuhttit ođastusaid, mat buoridit siidduid geavaheami ja olahahttivuođa. Ovdamearka dihte ođđa siidduin giellaveršuvnnas nubbái sirdáseapmi lea álkit ja mobiilaheivehusain geavaheapmi lea njuovžilabbo go ovdal.

Eanemusat nuppástusat leat boahtán bajildusoidnui ja navigašuvdnii. Ođđa siiddut girdet maiddái buorebut noađuheami.

Sámegielat siiddut gávdnojit dál seammá giellafálus eará gielaiguin. Juohke sámegillii lea dál  iežas ovdasiidu. Maiddái sámegielat neahttasiidduid čujuhusat leat nuppástuvvan, daningo ráhkadus lea ođasnuvvan. Suoma-, ruoŧa- ja eaŋgalasgielat siidduin neahttačujuhusat ja siidduid ráhkadus bissot goittotge seammán.

Sisdoaluid dievasmahttin

Ođastuvvon kela.fi-siiddut almmustahttojuvvojit jođálmahtton áigetávvalis bálvalusa dorvvasteapmin. Dađibahábut bálvalus ii dalán vástit buot gáibádusaid maid mii leat dasa ásahan. Mii bargat beavttálmahttojuvvon barggu, vai kela.fi bálvala bures buohkaid min áššehasaid nu jođánit go vejolaš.

Siidduin lea almmustahttojuvvon álggus gáržžiduvvon veršuvdna, mas váilu vel ovdamearkka dihte bálvalankantuvraohcan. Bálvalankantuvraohcan lea buhttejuvvon liŋkemiin Suomi.fi-bálvalankártii.

Áššiiddikšunbálvalusat doibmet nugo ovdalge

Almmustahttin ođđa vuođus guoská kela.fi diehtosisdoaluid muhto ii čuoza áššiiddikšunbálvalusaide. Persovdnaáššehasaid OmaKela ja ovttasbargoguimmiid ja bargoaddiid áššiiddikšunbálvalusat doibmet nugo ovdalge.

Kela.fi lea okta Suoma eanemusat geavahuvvon neahttabálvalus: jagi 2021 áigge kela.fi-siidduin leat fitnan badjel 56 miljovnna geardde. Siiddut kela.fi:s leat measta 8 000. Siiddut bálvalit persovdnaáššehasaid, bargoaddiid, Kela ovttasbargoguimmiid ja eará čanusjoavkkuid.

Atte máhcahaga

Maid jurddašat siiddu birra?