Kela.fi jooʹttistatistiikk

Noorrâp seiddõõzz õõʹnnʼjin jooʹttistatistiikk. Norrum teâđain tuu ij vueiʹt tobdsted.
Jooʹttistatistiikk ââʹnet kääzzkõõzz õõuʹdummša da raportâsttmõʹšše.

Priimak-a jooʹttistatistiikk noorrmõõžž?

Puäʹresvuõttjeältõk | Nuõrttsääʹmǩiõll | KelaSirddu siiskõʹsse

Puäʹresvuõttjeältõk

Puäʹresvuõttjeältõk vuäitt leeʹd reâuggjeältõk, meerjeältõk leʹbe kuhttu.

Jõs puäʹresvuõttjeältõõǥǥad määuʹset narodjeältõkkân, tõt älgg 65 eeʹjj ââʹjjest.

Jõs leäk jälstam leʹbe reâuggam ålggjânnmin, puäʹresvuõttjeältõõǥǥ mieʹrr vuäitt pääʹcced uʹccen. Vuäitak kuuitâǥ vuäǯǯad jeältõõǥǥ ålggjânnmin.

Ouddmiârkk jeältõõǥǥin

Ǩiurrâl da Kaiʹssi lie veänccõõttâm. Suäna lie kuhttu puäʹresvuõttjeältõõǥǥâst.

Ǩiurrâl vuäǯǯ reâuggjeältõõǥǥ 1 450 euʹrred määnpââʹjest. Son ij vuäǯǯ meerjeältõõǥǥ ij-ǥa staanjeältõõǥǥ.

Kaiʹssi lij håiddam kuuʹǩǩ päärnaid dååma. Son vuäǯǯ reâuggjeältõõǥǥ 500 euʹrred määnpââʹjest da meerjeältõõǥǥ nuʹt 483 euʹrred määnpââʹjest. Kaiʹssi nääiʹt vuäǯǯ jeältõõǥǥ õhttsiʹžže nuʹt 983 euʹrred määnpââʹjest. Suʹnne ij kuul staanjeältõk, ko puåtti lie šuurab ko staanjeältõõǥǥ puåđraaj.

Looǥǥ lââʹzz puäʹresvuõttjeältõõǥǥ ooccmest (lääddas).

Jeältõʹǩǩe ääiʹjben

Jõs tuʹst lij vuõiggâdvuõtt meerjeältõʹǩǩe, vuäitak mieʹrreed, vääldak-a tõn ooudbeäʹlnn ouddâl ǥu teâudak 65 eeʹǩǩed. Tän kooččât ääiʹjuum puäʹresvuõttjeältõkkân.

Jõs leäk šõddâm ouddâl eeʹjj 1962 , vuäitak väʹldded ääiʹjuum puäʹresvuõttjeältõõǥǥ ääiʹjmõsân 64-ekksiʹžžen.

Ääiʹjuum jeältõk lij põõššjen uuʹccab ǥu 65 eeʹjj ââʹjjest aʹlǧǧi narodjeältõk. Jeältõk occan 0 , 4 proseeʹnt juõʹǩǩ ääiʹjuum määnpââʹjest, koin ääiʹjääk tõn. Kannat seʹlvted ouddǩiõʹtte, mõõn šoora ääiʹjuum puäʹresvuõttjeältõk leʹčči

Ouddmiârkk jeältõõǥǥ ääiʹjummšest

Jååffaž pääcc reâuggjeältõʹǩǩe vueʹlmõs puäʹresvuõttjeältõkââʹjjest, kååʹtt Jååffast lij 64 eeʹǩǩed da 6 määnpââʹj. Son vuäǯǯ reâuggjeältõõǥǥ 700 euʹrred määnpââʹjest.

Jååffaž ååcc tõn õõl eeʹǩǩpieʹlin ääiʹjuum meerjeältõõǥǥ. Narodjeältõk lij ääiʹjummuž diõtt 2,4 proseeʹnt (nuʹt 11 euʹrred määnpââʹjest) uuʹccab ǥu tõt leʹčči Jååffže 65 eeʹjj ââʹjjest.

Jååffaž jäälast õhttu.

Son vuäǯǯ reâuggjeältõõǥǥ lââʹssen meerjeältõõǥǥ nuʹt 455 euʹrred määnpââʹjest.

Jeältõʹǩǩe mâʹŋŋlõbân

Tuʹst ij taarbâž ooccâd jeältõõǥǥ võl 65-ekksiʹžžen. Vuäitak âʹte mââʹjeed leʹbe seʹrdded mâʹŋŋlõbân jeältõõǥǥ älggmõõžž. Tõt pââʹjad jeältõõǥǥ. Jeältõk pâjjan 0,6 proseeʹnt juõʹǩǩ määnpââʹjest, koin mââʹjääk tõn.

Reâuǥteʹmesvuõtt da jeältõk

Jõs leäk reâuǥtem da ââlda jeältõkââʹjj, vuäitak piâssâd nuʹt sarnnum jeältõk-ǩiâinnu. Jeältõk-ǩeâinn miârkat, što vuäǯǯak reâuǥteʹmesvuõttpeiʹvvtieʹǧǧ, poka ooʒʒak puäʹresvuõttjeältõõǥǥ.

Jõs leäk šõddâm ouddâl 1962 , tuʹst vuäitt leeʹd vuõiggâdvuõtt ooccâd puäʹresvuõttjeältõõǥǥ 64-ekksiʹžžen.

Tän vueʹjjest ääiʹjummuš ij uuʹcced jeältõõǥǥ. Muđoi vuäǯǯak reâuǥteʹmesvuõttpeiʹvvtieʹǧǧ 65-âkksa räjja.

Jeältõõǥǥ-seeidain

Seidd peeiʹvtum 8.10.2025
Sirddu Jeältõõǥǥ-sijddu