Kela.fi-siijđoh uđâsmeh | Anarâškielâ | KelaMoonâ siskáldâsân

Kela.fi uđâsmui

Kela.fi-siijđoh láá uđâsmum. Uđđâ siijđoi ulmen lii pyerediđ ášástâllâmfeerim já tuárjuđ nettiášástâllâm. Ton mield kela.fist pasteh olášuttiđ uđâsmitmijd, moh pyeredeh siijđoi kevtittetteevuođâ já juksâmvuođâ. Uđđâ siijđoin kielâversiost nuubán sirdâšum lii älkkeb já kevttim mobilheiviittâssáin lii ovdiist njyebžilub.

Enâmustáá nubástusah láá puáttám siijđoi olgoháámán já navigaation. Uđđâ siijđoh meid killájeh pyerebeht kuormim.

Sämikielâliih siijđoh kávnojeh tääl siämmáá kielâvaljiittuvâst ko eres-uv kielah. Jieškote-uv sämikielân lii tääl jieijâs ovdâsijđo. Meid sämikielâlij nettisiijđoi čujottâsah láá muttum, tastko rááhtus lii uđâsmum. Suomâ-, ruotâ- já eŋgâlâskielâlijn siijđoin nettičujottâsah já siijđoi rááhtus pisoh kuittâg siämmážin.

Siskáldâsah šaddeh tievâslubbon

Uđâsmittum kela.fi-siijđoh almostuveh jotelub äigitaavlust palvâlus turvim tiet. Vaidâlitteht palvâlus ij tállân västid puoh vátámâšâid, maid mij lep toos asâttâm. Mij porgâp pehtilubbooht vâi kela.fi palvâl pyereest mii puoh äššigâsâid nuuvt jotelávt ko máhđulâš.

Uđđâ siijđoin kávnoo iänááš uási oovdeb kela.fi-siijđoi siskáldâsâin. Siijđoin lii almostittum vistig oovtkiärdánis versio, mast váilu vala ovdâmerkkân palvâlemsajeuuccâm. Palvâlemsajeuuccâm lii sajanpiejum liŋkkáin Suomi.fi-palvâlemkáártán.

Ášástâllâmpalvâlusah tuáimih ovdii náál

Almostittem uđđâ vuáláást kuáská kela.fi tiätusiskáldâssáid mutâ ij vaaigut ášástâllâmpalvâlussáid. Persovnäššigâsâi OmaKela sehe oovtâstpargokuoimij já pargoadeleijei ášástâllâmpalvâlusah tuáimih ovdii náál suomâkielân já ruotâkielân.

Kela.fi lii ohtâ Suomâ enâmustáá kevttum nettipalvâlus: ive 2021 ääigi kela.fist kollii paijeel 56 miljovn kerdid. Siijđoh kela.fist láá masa 8 000. Siijđoh palvâleh persovnäššigâsâid, pargoadeleijeid, Kela oovtâstpargokuoimijd sehe eres čonâsjuávhuid.

Adde macâttâs

Mon mielâst tun lah sijđoost?