Nääiʹt vuäǯǯaak jeältõõǥǥ
Ooʒʒ jeältõõǥǥid da jeeʹres tuõʹrjid neeʹttest.
Tääʹrǩest ooccmõõžžâst, måkam meâlddõõzz tõʹst âʹlǧǧe leeʹd. Še meâlddõõzzid vuäitak vuõltteed neeʹttest.
Vuäitak vuäǯǯeed jeältõõǥǥ leʹbe tuärjjõõzz še lomaakkin, koon vuäǯǯak Kela konttrin da neʹttseeidain.
Kela pååʹštaddrõs lij
Kela
PL 10
00056 KELA
Päärnažpââjõõzz, liâskjeältõõǥǥ da päärnažjeältõõǥǥ vuäitak ooccâd Kelast tåʹlǩ lomaakkin. Vuäitak pååʹštʼted lomaakk Kela päikka leʹbe väʹldded tõʹst snimldõõǥǥ da vuõltteed tõn MuuKelast.
Jeältõkooccmõõžž vuäitak tååimted še koozz täättas jeältõkstroiʹttla.
Kela puäʹresvuõttjeältõõǥǥ da staanjeältõõǥǥ vuäitak ooccâd še teʹlfoonâst leʹbe njäälmlânji Kela konttrest.
Ooʒʒ puäʹresvuõttjeältõõǥǥ muäʹdd määnpââʹj ouddâl ǥu leäk pääʹccmen jeältõʹǩǩe.
Kela vuäitt mäʹhssed jeältõõǥǥid mââibeäʹlnn jäänmõsân 6 määnpââʹj ääiʹjest.
Ǥu Kela lij ǩiõttʼtõõllâm tuu ooccmõõžž, vuäǯǯak tuʹmmstõõǥǥ MuuKela sizz. Vuäǯǯak še tuʹmmstõõǥǥ päikksad, jõs jiõk leäkku čåuddõõttâm põʹmmaipååʹštest. Tuʹmmstõõǥǥâst iʹlmmtet jeältõõǥǥ leʹbe tuärjjõõzz mieʹrr, vuâđđtõõllmõõžž da mäʹhssempeiʹvv. Vuäǯǯak tuʹmmstõõǥǥ še tâʹl, jõs tuʹnne ij leäkku miõttum jeältõk leʹbe tuärjjõs.
Ooʒʒ jeältõõǥǥ še ålggjânnam reâuǥast
Ålggjânnmin jälstummuš da reâuggmõš vueiʹtte vaaikted narodjeältõʹǩǩe da piârjeältõʹǩǩe. Jõs leäk jälstam leʹbe reâuggam ålggjânnmin, vuäitak vuäǯǯad jeältõõǥǥ reâuggjânnmest. Liâskk vuäitt vuäǯǯad piârjeältõõǥǥ jânnmest, koʹst pieʹllkueiʹmm lij reâuggam.
Tiõttum ålggjânnam jeältõõǥǥid vuäitt ooccâd seämma lomaakkin ko Lääʹddjânnam jeältõõǥǥid.
Muuʹšt teâudded da õhtteed ooccmõʹšše še U-meâlddõslomakk, koon nõmm lij Meâlddõs U - Jälstummuš da reâuggmõš ålggjânnmin (pdf). Tõn taarbšet jeältõkooccmõõžž meâlddõssân pâi, jõs leäk jälstam, reâuggam leʹbe mättʼtõõttâm ålggjânnmin.
Vuäitak raukkâd aʹrvvõõzz jeältõõǥǥâst ooudbeäʹlnn
Jos haaʹlääk seʹlvvtet ooudbeäʹlnn, vuäitak-a vuäǯǯad meerjeältõõǥǥ, vuäitak raukkâd aʹrvvõõzz Kelast. Kääzzkõsnââmar lij 020 692 202.
Vuäǯǯak aʹrvvõõzz še tõʹst, vuäitak-a vuäǯǯad staanjeältõõǥǥ.
Kela vuäǯǯ reâuggjeältõkstroiʹttlest teâđ tõʹst, jiânnai-a tuʹnne lij nårrjam tuâjj-jeältõk.