Jis tun finniih pargottesvuotâtorjuu tâi almos aassâmtorjuu, te tuu toorjâ puáhtá uccođ ive 2024
Ovdâskodde lii meridâm čuoppâđ almos aassâmtorjuu já pargottesvuotâtorjuu. Luuvâ täst, maht tuu toorjâ nubbáásm ive 2024.
Almos aassâmtoorjâ
Almos aassâmtorjuu meeri uco puohâin, kiäh finnejeh aassâmtorjuu.
Iänááš uási almos aassâmtorjuu čuoppâmijn puátá vuáimán 1.4.2024. Tuu purrâmušjuávhu tile vaaikut toos, kuás nubástusah keevâtlávt ucedeh aassâmtorjuu mere.
- Jis almos aassâmtoorjâ mieđettuvvoo tuu purrâmušjuávkun vuossâmuu tove, te torjuu meeri uco 1.4.2024.
- Jis almos aassâmtoorjâ lii mieđettum ovdil 1.4.2024, te torjuu meeri uco talle, ko tuu purrâmušjuávkku kalga čuávuváá tove uuccâđ aassâmtorjuu tärhistem.
Toos lasseen omâstemvistijd iä innig määvsi almos aassâmtorjuu 1.1.2025 rääjist.
Aasah-uv tun Helsigist? Helsigist huámmášumán väldimnáál aassâmkoloi enâmusmeeri uco já tot puáhtá vaikuttiđ tunjin mäksimnáál aassâmtorjuu miärán.
Nubástusah iä kuoskâ iäláttuvfinnejeijee aassâmtorjui.
Pargottesvuotâtorjuuh
Pargottesvuotâtorjui puátih maaŋgah nubástusah 1.4.2024 rääjist. Pargottesvuotâtorjust meddâlistojeh pärnialadâsah já syejiuási, mii lii lamaš 300 eurod mánuppaajeest.
Jis tun lah ovdil finnim pargottesvuotâtorjuu pärnialadâs, te tuu torjuu meeri uco 1.4.2024.
Jis tun poorgah pargottesvuođâ ääigi já finniih heiviittum pargottesvuotâtorjuu, te tuu torjuu meeri puáhtá uccođ 1.4.2024.
Áigápuátutoorjâ
Jis tun finniih Kelast áigápuátutorjuu, te ton meeri sáttá stuárruđ, jis tuu finnim almos aassâm-torjuu teikâ pargottesvuotâtorjuu meeri uco. Árvuštâl uđđâ mere áigápuátutorjuu rekinistempalvâlusâst já uusâ áigápuátutorjui tärhistem.
Jis tun jieh vala finnii Kelast áigápuátutorjuu, te tun puávtáh árvuštâllâđ rekinistempalvâlus vievâst, ete ličij-uv tust vuoigâdvuotâ áigápuátutorjui.
Áigápuátutorjui lii vuoigâdvuotâ talle, jis puoh kevttimnáál orroo ruuđah já tuávááh iä pijssáá aargâ velttidmettum koloid, tego purrâmušân já talkkâsáid.
Tun puávtáh koijâdiđ ravvuid meid mii palvâlemäššitobdest.
Torjuu tärhistem tun puávtáh uuccâđ MuuKelast. Tun puávtáh uuccâđ tärhistem meid pááppárluámáttuvváin, ášástâlmáin Kela palvâlemsaajeest tâi suáittimáin Kela puhelinpalvâlusân.